Flat Iron Steak 煙花景晚宴登陸 IFC 十月加碼推法式酒館套餐
十月一號國慶，除咗半價睇戲、周街搵嘢食，重頭戲梗係維港煙花啦。唔想同幾萬人喺海旁人逼人、舉高部手機舉到手震？不如直接坐低鋸扒，舒服啲睇！
人氣牛扒餐廳 Flat Iron Steak 10 月起全線推出全新法式酒館套餐，而 ifc 分店更係維港第一排景觀位，國慶當晚特設煙花饗宴。到時一邊鋸扒、一邊近距離睇煙花喺維港上空爆開，個畫面夠晒儀式感。
即係咁講，睇煙花最怕唔係冇靚景，而係睇完先發現自己企咗兩個鐘、只見到前面十幾部手機。今次坐定定、有扒鋸、有酒飲、有煙花做背景板，先係成年人應有嘅國慶觀賞模式。
維港全景！ 十一限定煙花菜單
去得 ifc 睇煙花，賣點就係極致景觀同頂級氣氛。10 月 1 日當晚 ifc 分店特設「國慶煙花菜單」，席位極度限量：
－靠窗觀景席套餐（$2,400 / 兩位）：鎖定全場最尊貴嘅窗邊景觀位，煙花喺面前綻放，打卡無敵。晚宴前菜由三文魚他他配烤法包及奢華魚子醬薯寶率先登場，惹味開胃；接住有清新田園沙律；主菜可點被選為「世界最佳牛扒」嘅乾式熟成Jack's Creek M9 和牛西冷扒（550克）配薯條、乾式熟成Jack's Creek M9 和牛肉眼扒（550克）配薯條，或者濃郁芝香嘅忌廉龍蝦意粉；最後以精緻嘅朱古力慕斯撻配劃上完美句號，極具儀式感。
－大廳常規席位套餐（$1,176 / 兩位）：同樣提供三文魚他他配烤法包、田園沙律，主菜可選550克 Jack's Creek M9 和牛西冷配薯條或忌廉龍蝦意粉，同以朱古力慕斯撻配士多啤梨作結。
約會之夜首選：全新法式酒館套餐
除咗煙花宴，Flat Iron Steak 全線分店由 10 月起推出全新法式酒館套餐，帶來經典法式 Bistro 風味，每位 $388（原價 $698）即享法式三道菜：
頭盤：三文魚蟹肉餅配他他醬，海鮮味濃郁；或加 $28 升級至經典法式洋蔥湯配格魯耶爾芝士脆包，焦糖化洋蔥散發濃郁香氣和甜味，熱情芝士拉絲，秋天暖胃之選。
主菜：主角係 300克 Rangers Station 法式胡椒汁牛扒，裹滿黑胡椒煎封鎖汁，佐以白蘭地、忌廉同胡椒粒調製嘅特級醬汁，配埋香脆經典薯條及清新沙律。想再歎啲？可選軟嫩和牛西冷，或者加 $48 升級至油脂細密嘅和肉眼扒。
美酒配搭：加 $58 即享法國 Delas Frères Côtes du Rhône（2024）紅酒乙杯，果香豐盈略帶花香，完美提昇黑椒牛扒風味。
甜品：絲滑黑朱古力慕斯蛋糕配 Amarena 車厘子，或者加 $28 換成金黃酥脆嘅熱法式蘋果撻配雲呢拿雪糕，充滿秋日甜味。
*訂座須知：10月1日晚上7時至8時29分入座 ifc 分店的食客，必須點選國慶煙花晚餐；7時前離座或8時30分後入座者可照常點選餐牌菜式。所有訂座須透過Sevenrooms 網上預訂。
Sevenrooms
網上預訂
*10月1日須提前訂座、預授權銀行卡，並設取消條款。
*所有價格需另收10%服務費。