香港人晚晚瞓唔著，數綿羊數到隻羊都辭埋職、褪黑激素又唔敢亂食？最近就多咗個新選擇。來自法國及加拿大嘅 Helight 正式將 Helight Sleep 紅光助眠裝置帶到香港，主打無藥物、無螢幕、無 App——對一班連瞓前碌手機都碌到眼乾、個腦仲未肯熄機嘅都市人，聽落幾有吸引力。
模擬日落生理反應 28分鐘自動「熄機」
Helight Sleep 由睡眠障礙專家及認知科學博士等團隊於歷時三年研發，並於2019年推出原型機。其背後原理簡單，利用純紅光技術摸擬自然韻律，裝置會發射 630 納米（nm）的純紅光，幫大腦做放鬆 Signal，令身體進入睡眠準備狀態。
模擬日落：28 分鐘一個 Cycle，首 14 分鐘維持最佳亮度，後 14 分鐘會漸漸暗落嚟，自然引導大腦分泌褪黑激素。
一鍵極簡操作：唔使駁手機、唔使下載 App、唔使瞓前睇螢幕，撳一下就搞掂。
機身輕巧便攜：出差或去旅行帶住，輕鬆應對時差。
不過都要講返句公道話：紅光對睡眠嘅研究有一定潛力，但目前證據仍屬早期，未去到「一照即瞓、失眠即刻畢業」咁神。紅光對晝夜節律嘅干擾一般比藍光少，部分小型研究見到入睡時間、主觀睡眠效率等有輕微改善；但不同裝置、波長、強度同使用方法效果可以差好遠。
講到底，Helight Sleep 比較似係一個睡前儀式感工具：畀你 28 分鐘名正言順放低部電話、熄一熄個腦，同自己講「今日啲 Email，聽朝先死」。如果長期失眠、日間攰到影響工作，或者有情緒困擾、呼吸暫停等問題，最穩陣都係搵醫生或睡眠專業人士處理，唔好指望盞紅燈同你硬撼人生。
奧斯卡嘉賓指定禮物
全球熱銷 10 萬部，累積超過 20 萬用家，仲連續兩年被選為奧斯卡金像獎頒獎禮出席者禮品袋一部份。Helight Sleep 現已於香港官方網站公開發售，每部索價為 HK$1,180。你覺得呢種「被動式光療」啱唔啱你？💭
產品官網：
https://helight.com/