Trip.Gourmet 2027全球高級餐廳榜單揭曉！香港37間餐廳上榜 升級訂座服務輕鬆食遍全球
香港人講食，向來唔係「食得飽」就收工，而係要食得夠靚、夠講究，最好仲要值得專程搭車去排隊。Trip.Gourmet（攜程美食林）最新公布嘅《2027 年全球高級餐廳精選排行榜》，香港就憑 37 間上榜餐廳，同北京並列亞洲第三，食神之都個招牌依然閃到隔離城市都要瞇埋眼。
Trip.Gourmet 今次喺新加坡聖淘沙名勝世界搞全球盛典，榜單一口氣覆蓋全球 6 大洲、40 個國家及地區、105 個城市，總共有 744 間高級餐廳上榜。換句話講，呢份唔係「附近有咩食」名單，而係一份可以令你開始研究機票、訂位時間同信用卡額度嘅食壇地圖。
4 大黑鑽級餐廳
榜單分為黑鑽級（最高榮譽，全球僅 60 間）、鑽石級及白金級。香港一共捧走 4 間黑鑽、9 間鑽石及 24 間白金：
－黑鑽級： CAPRICE（香港四季酒店）、Ta Vie 旅（中環石板街酒店）、大班樓、永（WING）
－鑽石級： L’Atelier de Joël Robuchon Hong Kong、龍景軒、麗晶軒等
為咗餐飯去旅行
Trip.Gourmet 數據顯示，2026 年頭 8 個月與美食相關嘅搜尋量暴升 45%，地方特色菜搜尋更加激增超過 7 倍！越來越多人將目的地同用餐需求一併搜尋。「澳門自助餐」、「上海餐廳」及「河內美食」等成為增長最快嘅搜尋關鍵字，可見現今旅客真係會為咗餐飯而飛一轉！
全新「WOW 尊貴禮遇」：黑鑽會員訂枱神器
平時訂頂級 Michelin 或者名廚餐廳，分分鐘難過搶演唱會飛。 Trip.Gourmet 全身推出兩大功能，直接幫大家解決一位難求，輕鬆食遍全世界！
－WOW 尊貴禮遇： 黑鑽級會員專享每月 1 號開放下個月熱門頂級餐廳嘅獨家席位，全年提供逾 320 個名額，享優先入座、主廚親自招待同限定菜單，簡直係「開後門」級別嘅尊貴體驗。
－全球訂座服務： 網絡覆蓋全球逾 43,600 間餐廳（海外佔近 4 萬間），睇中即可於平台一鍵預訂。
－中國旅遊美食榜： 專為遊內地而設，貼心提供菜單翻譯、特殊飲食提示同預訂功能，首階段覆蓋 30 個熱門城市。
想知邊間餐廳最值得專程飛一趟？即刻上 Trip.com app 睇完整榜單，開展你嘅美食尋味之旅啦！