京都菓子老店京榮堂於2016年開設新品牌「京都仁王門」，最近呢個品牌在荃灣開設首間茶寮，帶來一系列日式定食、輕食及自家製甜品，讓大家細味地道嘅日本和風滋味，留港「味」遊日本！
京都作爲香港人喜愛嘅日本城市，除咗歷史文化引人入勝，特色美食一樣叫人念念不忘。逾60年歷史嘅菓子老店京榮堂，係好多去京都旅行嘅人必訪嘅老字號，其出品嘅甜點係受歡迎嘅手信。呢間店旗下品牌「京都仁王門」，最近在荃灣海之戀商場開設日式茶寮「茶寮 京都仁王門」，雖然唔賣和式菓子，但其日式甜品及美食，都足以滿足掛念日本嘅鄉民。
最近在荃灣海之戀商場開設日式茶寮「茶寮 京都仁王門」，主打日式甜點及輕食。
日式茶寮主打甜食，呢間店嘅招牌係班戟。班戟以日式製法人手製作，選用日本麵粉和新鮮雞蛋，即叫即製，口感鬆軟綿滑，散發香濃蛋香，給人滿滿嘅幸福感。班戟口味除原味外，更有一系列創新口味，如焦糖燉蛋班戟、朱古力班戟、野莓班戟、加入日本直送蕨餅的宇治抹茶班戟及焙茶班戟等，班戟控不要錯過。
原味班戟配上忌廉及楓糖漿，簡單基本配搭，但美味無窮。
赤色林檎班戟嘅材料由京都總店直送，慢煮赤色林檎果肉配上赤色林檎果汁啫喱，香甜又清新。
焦糖燉蛋班戟，兩款美味甜品嘅結合，一次滿足兩個甜食願望。
野莓班戟味道酸甜交雜，食味層次豐富。
宇治抹茶班戟係人氣之選，加入日本直送蕨餅，造法獨特。
焙茶班戟茶香味濃，帶來另一種甜食享受。
新店更推出多款特色甜品及飲品，當中包括共4款口味、酥脆可口嘅拿破崙蛋糕，以及必試嘅冰沙及奶昔，如抹茶煉乳奶昔、焙茶黑芝麻奶昔、豆乳香蕉奶昔及白熊冰沙等。
拿破崙蛋糕
抹茶煉乳奶昔
焙茶黑芝麻奶昔
豆乳香蕉奶昔
白熊冰沙
甜食誘人，但呢間茶寮亦有其他特色食品供應。想品味一下歷史悠久嘅京都傳統家常料理，不妨一試「仁王門御膳」。在9格木盤裡，有人款和風美食，包括：京都玉子燒、北寄貝沙律、吉列炸蠔、燒鯖魚、日式燒茄子、唐揚配柚子胡椒醬、醬醃溏心蛋、牛肉煮及日式照燒雞，讓人盡情情感受日本滋味。
仁王門御膳融入京都傳統料理元素，配搭精緻盛器，視覺和味覺同享受。
仁王門定食亦是店內人氣之選，款式包括：吉列炸豬梅肉、梅酒醬油漫煮五花肉及白麵仕醬燒鯖魚等。
茶寮更於不同時段提供各款美味輕食選擇，如傳統湯烏冬、忌廉烏冬、吐司及牛角包等，滿足不同需要。
傳統日式烏冬配熱湯，「忌廉烏冬」則以西式烹調法加入廣島蠔、海膽、三文魚籽等材料，帶來另一種滋味。
特色吐司所用嘅丹麥吐司經長時間烤製，散發濃郁牛油香氣。
多款風味牛角包，下午茶之選。
人氣熱賣嘅朝月夜全日早餐，二人份量，讓你與好友或伴侶開心share。
INFO
茶寮 京都王仁門
地址：荃灣大河道100號海之戀商場地下G22-G23號舖
營業時間：星期一至五中午12時至晚上9時；星期六、日及公眾假期上午11時半至 晚上10時
電話：2123 9498
Text: Josie Yan
你或會有興趣的相關文章：
【嚟呢度搵食】灣仔街頭品嚐南意小食│煎麵餅 / 炸pizza / 紙筒炸沙甸魚
【相機先食】尖沙咀K11期間限定MiFFY Cafe│甜點三層架 / 特色蛋糕 / 雪糕乳酪