港式街頭小食，魚蛋和燒賣，夠晒經典；意大利人街頭小食又係乜呢？近日灣仔和昌大押拱門下開咗個外賣檔口仔CRUST Sciuscia，主打正宗拿坡量傳統街頭小食，包括：意大利煎麵餅、炸薄餅、杯裝炸魚仔等。呢個外賣檔其實係CRUST Italian嘅延伸部分，餐廳始創人話由於港人無法去旅行，所以試下以呢個方式將家鄉嘅文化和美食帶嚟香港。
CRUST Sciuscia 供應嘅拿坡里街頭美食，歷史可以追溯到 20 世紀初。大家熟悉嘅意大利薄餅，一般用烤爐烤烘，但香脆可口嘅炸薄餅（Pizza Fritta），你又試過未？原來製作方法與第二次世界大戰有關。話說二戰後，社會不景氣，生活艱難，當時食材和使用木材嘅烤爐係奢侈品，所以有人諗到用滾油炸薄餅麵團，並在熱油中將佢轉動，製成炸薄餅。
CRUST Sciuscia就在灣仔和昌大押拱門下，主打正宗拿坡量傳統街頭小食。
炸薄餅（Pizza Fritta）
另一款好熟面口但又唔同咗樣嘅意大利小食，就係意大利煎麵餅（Giri Di Pasta）。賣相就似將一碟意粉拎去炸成餅，呢度有3款唔同口味，滿足唔同喜好嘅你。
意大利煎麵餅（Giri Di Pasta）
不論任何地方嘅街頭小食都有一個特點，就係食得方便。Cuoppo，意大利文嘅意思係「紙筒」，用紙筒裝住嘅小食，方便大家拎住一邊行一邊食。必食推介有炸沙甸魚仔及炸海藻麵團。
紙筒炸沙甸魚仔
CRUST Sciuscia仲有好多唔同款式拿坡里及其周邊地區嘅正宗街頭鹹甜小食，部分更係在意大利境外基本上難搵到。在未有得出遊嘅日子，嚟呢個灣仔外賣檔仔搵食，可以重溫一下昔日外遊尋味嘅興奮。
CRUST Sciuscia供應嘅拿坡里街頭小食，在意大利境外基本上難搵到。
無時間坐定喺餐廳但想食傳統意大利薄餅，呢度有6吋size 薄餅賣。
INFO
CRUST Sciuscia
地點：灣仔莊士敦道60A至66號
營業時間：每天早上十時至晚上八時
Text: Josie Yan
你或會有興趣的相關文章：
【陪著你走】《鱷魚君最後的100天》期間限定店│4大打卡位 + 日本直送精品
【相機先食】尖沙咀K11期間限定MiFFY Cafe│甜點三層架 / 特色蛋糕 / 雪糕乳酪