舊日嘅香港令人懷緬，然而隨著城市變遷，舊日足跡慢慢在呢個城市消失。仍想回味舊城嘅韻味，最近太子有個限時「舊香港 • 融舊 – 藝術概念館」，內裡展出舊區重建項目中收集得嚟嘅珍藏物品，並聯乘本地藝術家，透過保留、再造和演化等不同方式將舊建築嘅美態重現出來。
「舊香港 • 融舊 – 藝術概念館」開設嘅地點，正係位於太子基隆街嘅一個重建項目內。發展商樂風集團在項目清折前，將呢幢廣州式騎樓建築變身為佔地4千呎嘅主題式限時概念館，展出從舊樓回收到嘅舊物如：鐵信箱、舊木門、舊招牌、舊式電風扇、 通花鐵閘等，希望將舊社區嘅文化和特色呈現出來，讓人認識本地歷史和文化嘅發展，思考香港嘅「保育」文化。
新舊香港碰撞的藝術作品—「林民籠」
新舊香港碰撞的藝術作品—「融」
新舊香港碰撞的藝術作品—「唞涼」
新舊香港碰撞的藝術作品—「見證時代」
舊日家庭寶物─大牛龜電視。
白鐵信箱
縫紉機，俗稱「衣車」。
舊式招牌
概念館更聯乘數名本地藝術家，包括九十後建築師吳雨桐 (筆名「築墨青」) 及香港街頭書法家李漢，以不同方式展現新舊共融嘅設計理念。
本地書法家「築墨青」於門前麻石柱提字
本地招牌及文化為主題的創意字體品牌「李漢港楷」
場內亦出售多款精緻紀念品，包括明信片、撲克牌、扣針。星期一至五設有懷舊小食，如麥芽糖餅、叮叮糖、砵仔糕、香蕉糕及糖蔥餅；星期六、日及公眾假期更有駐場師父製作龍鬚糖及糖蔥餅。概念館所有陳列品均可供參觀者收藏，全部收益將撥捐至本地慈善團體—間築社，旨在為貧窮的兒童及家庭提供協助，改善生活環境，非常有意義。
自家設計紀念品—名信片
自家設計紀念品—啤牌
自家設計紀念品—扣針
INFO
舊香港 • 融舊 – 藝術概念館
日期：即日至8月27日
地址：太子基隆街1至7號
開放時間﹕星期一至五下午 1 時正至晚上 9 時正；星期六、日及公眾假期中午 12 時正至晚上 9 時正
價錢：免費入場
Text: Josie Yan
你或會有興趣的相關文章：
【相機先食】尖沙咀K11期間限定MiFFY Cafe│甜點三層架 / 特色蛋糕 / 雪糕乳酪
【萬聖節玩樂】南豐紗廠變身伊藤潤二詭異世界│真人比例漫畫主角現身如歷現場