【萬聖節玩樂】南豐紗廠變身伊藤潤二詭異世界│真人比例漫畫主角現身如歷現場

今年萬聖節要應節出去玩，唔使一味靠嚇，不如試下走進漫畫嘅世界，用另一種方法驗壓迫和恐懼。南豐紗廠將於10月舉辦「走進伊藤潤二的詭異世界」，5個模擬漫畫故事主題嘅展區，讓觀眾猶如置身漫畫場景中，體驗恐怖美學嘅張力與世界觀。門券現已於網上開賣，於9月6日前購票可獲早鳥優惠。買門券更可獲非賣品別注版茶巾。

 伊藤潤二被譽為日本最重要嘅恐怖漫畫家之一，其漫畫獨特細膩嘅手繪線條、精緻複雜嘅構圖，以及充滿想像和人性思考嘅故事佈局，同時展現充滿壓迫感及讓人驚艷的恐怖美學，叫一眾漫畫迷睇得津津樂道。

伊藤潤二嘅漫畫展現令人驚艷嘅恐怖美學。

南豐紗廠將於10月將伊藤潤二嘅詭異世界帶到香港，將展區佈置成漫畫故事裡其中一格場景。5個展區將以伊藤潤二嘅漫畫故事為主題，包括《至死不渝的愛》、《雙一恣意的詛咒》、《蛞蝓少女》、《沒有道路的街道》與《富江‧鬼屋》。精緻嘅場景佈置，加上真人比例嘅漫畫主角現身，讓觀眾有如親歷其境。設計團隊更特別在展廳營造狹迫嘅空間，展現伊藤潤二恐怖美學的壓抑和現場震撼感。親歷「恐怖」體驗後，大家可以去到第六個展區，睇下伊藤潤二嘅簡介及漫畫模型作品。

南豐紗廠以富江到臨紗廠為主題拍攝展覽宣傳照。

富江領遊紗廠，讓有興趣入場嘅你率先感受伊藤潤二嘅恐怖美學氣氛。

5個展區將以伊藤潤二嘅漫畫故事為主題，讓大家親歷漫畫世界。

會場內將有展區展出伊藤潤二嘅簡介及漫畫模型作品。

為讓入場嘅人有更好體驗及控制人流，「走進伊藤潤二的詭異世界」，每場只限30人，每場參觀時間為30分鐘。星期一至五，共設11場。周末及公眾假期設13場。門券$180，9月6日公開發售。即日至9月6日前在BOOKYAY網上購票，可獲早鳥優惠，每位$150。

凡購買入場門券可獲南豐紗廠 X 伊藤潤二別注版茶巾乙條 (非賣品)。

INFO

南豐紗廠「走進伊藤潤二的詭異世界」

地點： 南豐紗廠M層 The Annex (荃灣白田壩街45號)

日期： 2021年10月1日至10月31日

門券：$180

預購門券連結： bookyay.com

Text:  Josie Yan

 你或會有興趣的相關文章：

【打卡熱點】尖沙咀7-Eleven X可口可樂概念店│換購茶餐廳積木模型+品嚐限定特餐

【搵食去呢度】佐敦4千呎摩登居酒屋│和洋食‧日式串燒‧精品手工咖啡