放假想hea下，歎美食，打卡，完美。新蒲點在佐敦，座落在全新日本feel小社區嘅「hare晴舍」，和風柔和木色主調嘅室內設計，配以偌大落地玻璃，休閒得令人好想多坐一會。打卡以外，仲可以來一趟味覺小旅行，和洋食、精品手工咖啡、日式串燒，感覺有如返咗「鄉下」日本。想為枯燥嘅生活加點甜，今個周末去朝聖吧！
餐廳名字有如人嘅姓名，賦有心思深意。「hare晴舍」意指晴天，好天氣帶來好心情。餐廳由一位專業咖啡師和一位唎酒師共同創立，一方面希望為客人提供一個與良朋怡情小酌、閨蜜相聚嘅用餐空間；同時透過咖啡師、唎酒師及廚師團隊，希望可在香港進一步推廣精品咖啡、清酒及手工啤酒嘅文化。
「hare晴舍」座落佐敦全新日本feel小社區。
室內以日系喜用嘅粉色和木色為主調，自然柔和。偌大玻璃窗採光度高，高樓底空間怠十足，令人感覺放鬆舒服。
餐廳走簡約摩登風格，為喜歡打卡嘅人提供一流構圖背景。
咖啡絕對係「hare晴舍」不得不試之物。咖啡種類多化，冷泡、冰滴、虹吸、手沖及拉花一應俱全，迎合你不同心情嘅需要。店主更自設炒豆工房，由採購咖啡生豆到烘焙一手包辦，故此可按不同咖啡豆特性與沖調方法，自家烘焙出最適合嘅深淺度，呈現出咖啡最佳風味。咖啡控對咖啡有要求，嚟到呢度要試源自日本嘅松屋式手沖咖啡，以高水柱及加蓋悶蒸方法沖製，配合深烘焙的咖啡豆，呈現出獨有嘅咖啡風味。
手滴咖啡 $65 - $70 (自選咖啡豆)
與咖啡一樣叫人陶醉嘅清酒，同樣係呢間餐廳耀眼嘅主角。單係清酒，已有約20款選擇；店主更親自挑選，並推出清酒體驗旅程（Sake Flights），按著清酒薰、爽、醇、熟四大特色來配搭不同菜式，藉此打開大眾對日本酒嘅味覺之門。餐廳同時推出以咖啡、清酒、Gin酒及茶來調配嘅特色雞尾酒，為客人帶來煥然一新味覺體驗。
餐廳引入多個本地手工啤酒及Gin酒品牌，希望可以酒會友，讓大家打破對啤酒嘅固有印象。
餐廳引入本地「瑜茶舍yú teahouse」茶葉，包括白茶—花香牡丹、烏龍—蜜蘭香單叢及綠茶—六安瓜片等。$85 -$120
餐廳提供本地茶館「茶家Teakha」出品嘅手工蛋糕，款式不時更換。
Sake Platter $188
Coffee Martini $125
Mixed Berry Fizz $65
「hare晴舍」作為摩登居酒屋，菜單以和洋食及日式串燒為主。廚師專程從日本訂製頂級的日本串燒爐，讓食物帶有獨有炭火香味；部份食材如薩摩雞肉、十勝豚肉、雞蛋及越光米等更從日本進口，確保出品食味水準。此外，配以自家調配的醬汁，更提升食材鮮味。午市有和洋定食供應，款式包括：刺身魚生飯、咖喱吉列豬扒飯、野菜天婦羅烏冬等。
串燒薩摩赤雞腿肉 $32
串燒雞皮海虎蝦 $58
串燒青椒仔 $28
蟹味噌甲羅燒 $58
燒飯團茶漬飯 $32
INFO
hare 晴舍
地址：佐敦德成街2號本木1樓
電話：2383 0180
Text: Josie Yan
你或會有興趣的相關文章：
【暑假食遊】Blue Bottle Coffee沙田開限定店│夥拍本地手工美食品牌推出限定窩夫
【飲食情報】女大學生首創威靈頓牛柳月餅│自家氣炸或烤焗10分鐘食得