【暑假食遊】Blue Bottle Coffee沙田開限定店│夥拍本地手工美食品牌推出限定窩夫

飲食 2021-08-11

周末鬆一鬆搵節目，如果你係咖啡控、支持本地手工美食，又有養寵物嘅話，不妨考慮去沙田玩返轉。8月25日至11月21 日期間，咖啡人氣品牌Blue Bottle Coffee將於沙田新城市廣場開設限定戶外店，在露營車賣咖啡；另外亦會與JamStory 、The Nutter 及Gelat Etc. 合作推出會場限定窩夫芭菲及狗仔專屬小食。活動期間，更舉行咖啡、單車遊、紮染主題分享會，讓大眾在露營風氛圍下體驗充滿咖啡香嘅休閒時光。

Blue Bottle Coffee進駐香港後，兩間分店皆在港島，令活動範圍在九龍及新界嘅咖啡迷好失望。8月25日至11月21 日期間，Blue Bottle Coffee將在沙田新城市廣場開設限定店，地點便利咗，相信會令一眾咖啡迷興奮起來！另外，今次間舖會在戶外，仲係一架美國產Caravel露營車上賣咖啡，配合新城市廣場3樓「兒童及寵物同樂園」新址嘅露營主題，現場設有印第安帳篷、天幕、露營桌椅及寵物專用帳篷等，歎咖啡時更有feel。

Blue Bottle Coffee將在美國產Caravel 露營車將為大家提供美味咖啡。 Blue Bottle Coffee將在美國產Caravel 露營車將為大家提供美味咖啡。

一場嚟到沙田，歎杯靚咖啡以外，仲要試埋本地手工美食喎！ JamStory 以茶道入醬創造紅烏龍茶果醬窩夫芭菲，而The Nutter 就以港式奶醬多士為靈感，創作花生奶油窩夫芭菲，Blue Bottle Coffee則獨家提供望月流心奶黃月餅。另有專為毛孩而設嘅狗仔專屬小食，若你與愛寵同行，就可以一齊慢享Pets Camping 時光。

JamStory 、The Nutter 及Gelat Etc. 合作推出會場限定Waffle Parfait。 JamStory 、The Nutter 及Gelat Etc. 合作推出會場限定Waffle Parfait。

Blue Bottle Coffee 獨家提供的望月流心奶黃月餅。 Blue Bottle Coffee 獨家提供的望月流心奶黃月餅。

Blue Bottle Coffee 本著連結本地生活圈及推動永續慨念的初心，呢次限定咖啡店更與多個本地品牌聯手準備連串與咖啡生活息息相關嘅活動，例如與本地城市單車生活文化嘅平台Bike The Moment 合作咖啡單車遊；與巨人染、植屋、集棄場等合作使用咖啡渣及再造木工作坊；與本地愛好露營咖啡及攜帶寵物露營嘅朋友交流分享會等。

Blue Bottle Coffee 咖啡師將主理90 分鐘的手沖咖啡班，內容包括介紹各種咖啡豆、手沖工具的使用方法、手沖示範等。 Blue Bottle Coffee 咖啡師將主理90 分鐘的手沖咖啡班，內容包括介紹各種咖啡豆、手沖工具的使用方法、手沖示範等。