中式和素食，兩個加起來令人覺得悶到飛起嘅飲食元素，原來唔一定悶局收場。中環有間新派中式素食餐廳Miss Lee，將多道經典中式素食重新演繹，巧用中西烹飪技巧和全新食材配搭，為視覺和味蕾帶來意想不到嘅刺激。
新派中式素食餐廳Miss Lee顛覆一貫對中式素菜嘅觀念，揉合中西烹飪技巧，選用天然蔬菜食材，不用任何仿肉，炮製岀別具風格嘅新派中式素菜，為素食者、全素食者或偶然一素嘅食客，帶來豐富多變且有益健康嘅餐飲體驗。
新派中式素食餐廳Miss Lee帶來創新中式素食體驗。
「涼拌萵筍菇絲」 靈感取自涼拌海蜇，但以萵筍、杏鮑菇及白木耳入饌，並加入柚子醬油，伴上九龍醬園子薑啫喱，味道酸辣開胃。$118
「素芝士辣醬炸雲吞」係西式素食版錦滷餛飩和墨西哥粟米片嘅結合版。菠菜、豆腐乾及粟米作餡料，炸至金黃鬆脆，加入酸菜 粒及番茄等，蘸上泡菜蛋黃醬，非常惹味。$108
「酸辣涼麵配土豆絲」將四川酸辣土豆絲融入麵食，配搭乾菌、羊肚耳及竹笙頭，微辣爽口、消暑開胃。 $128
「番茄忌廉年糕」用橄欖油慢煮車厘茄以製成香濃醬汁，加入煙韌軟糯嘅上海年糕代替意粉，再配上巴馬臣芝士脆片增添色香味。 $138
「自家製葱油餅」加入純素芝士及自家磨製黑白胡椒粉，配以甜醋，外酥内軟。 $98
「芋蓉淮山千層酥批」創作意念來自威靈頓牛柳，廚師以根莖類蔬菜代替牛肉，用牛油酥皮包住芋蓉、准山及甜洋葱，最後淋上濃郁牛肝菌忌廉汁， 味道層次豐富且賣相精緻。 $198
甜品推介「陳皮燉蛋配話梅啫喱」，結合中式涼果零食與西式焦糖燉蛋甜品，產生令人意想不到的味覺效果。 $88
INFO
Miss Lee
地址：中環威靈頓街198號The Wellington地下
電話：2881 1811
Text: Josie Yan
你或會有興趣的相關文章：
【飲食情報】IG人氣日式卷蛋店觀塘開店│必試限定口味日本玄米茶奶蓋卷蛋
【飲食情報】女大學生首創威靈頓牛柳月餅│自家氣炸或烤焗10分鐘食得