【飲食情報】女大學生創作威靈頓牛柳月餅│自家氣炸或烤焗10分鐘食得

飲食 2021-08-09

在飲食嘅世界，有創意就有新意。今年中秋，當市場推出嘅所謂「創意月餅」，仍然停留在餡料升級或換上新配搭嘅時候，中大學生Phoebe話你知，月餅可以有另一種演繹。佢嘅新「煮」意就係將威靈頓牛柳變成月餅，更加入「自煮」概念，顧客買回家後，將月餅氣炸或烤焗約10分鐘，即可享受到與別不同嘅月餅滋味。

威靈頓牛柳打破傳統，把西菜和中式月餅結合，帶來味覺和視覺驚喜。

威靈頓牛柳係一道非常經典嘅英國菜式，據說源起於1815年滑鐵盧戰役後嘅慶功宴，御廚將威靈頓公爵最愛嘅食物，包括：菲力牛扒、鵝肝、松露等用酥皮包起來焗製。菜式深得威靈頓公爵喜愛，自此成為家宴必備菜式，而呢道菜亦取名為「威靈頓牛柳」。

威靈頓牛柳即係酥皮包著牛柳；而威靈頓月餅取其精髓，變為中秋應節餅食。

威靈頓牛柳嘅魅力在於外層酥皮鬆化香脆，內裡牛柳仍然粉嫩多汁，肉色粉紅，視覺效果一流。很多香港人對呢道菜趨之若鶩，但礙於製作繁複，一般較少自家炮製。在外享用，亦只能在高級餐廳或酒店扒房先可以享用。鍾愛西式菜式嘅中文大學酒店旅遊系嘅大四學生Phoebe，在2020年疫情爆發初期，因停課多咗時間留家入廚，留意到香港人對威靈頓牛柳情有獨鍾。擅於烹飪嘅佢靈感一觸，覺得月餅和威靈頓月餅有共通之處，深信可以將威靈頓牛柳變為月餅，於是不斷鑽研試驗。經過一番努力，Phoebe成功創作「威靈頓月餅」，並放上社交平台分享，獲得本港及歐美網民高度關注。

熱愛入廚嘅Phoebe有見威靈頓牛柳和月餅有異曲同工之妙，同樣係外層餅皮包裹餡料，於是靈感一觸，將兩者結合。熱愛入廚嘅Phoebe有見威靈頓牛柳和月餅有異曲同工之妙，同樣係外層餅皮包裹餡料，於是靈感一觸，將兩者結合。

社交平台上累計超過57,000 個讚好及13,000 個分享，給Phoebe打下強心針，佢決定要將自己嘔心瀝血嘅創作帶到香港市場。佢為咗達成目標，佢更休學1年，並到凱悅酒店集團內嘅法國餐廳及意大利餐廳任職廚師助理，提升廚藝。為咗細調月餅嘅味道、用料、外形、尺寸及烹煮時間，Phoebe曾在家做咗超過100件樣本，務求得出效果最滿意嘅配方。

為了鑽研出賣相和食味俱佳嘅威靈頓月餅，Phoebe特意休學並到酒店廚廳工作，提升廚藝。為了鑽研出賣相和食味俱佳嘅威靈頓月餅，Phoebe特意休學並到酒店廚廳工作，提升廚藝。

今年中秋，Phoebe嘅心血終於面世。威靈頓月餅有別於市場上買到嘅現成月餅，顧客買返屋企後，享用前要自行烤烘或氣炸。只要約10分鐘焗製時間，便能品嚐到熱辣辣，外層香酥，內裡牛柳軟嫩多汁嘅滋味。「我事前以唔同焗爐和氣炸鍋反複做試驗，亦請朋友幫忙拎月餅返屋企試下焗製，然後將成果作比對，再將焗製方法和時間等調整，得出依家呢個配方。即使顧客因各種原因而未能焗出賣相靚嘅月餅，但食味一定不會失望。」Phoebe對自己嘅出品非常有信心，亦希望今個中秋更多人可以打破傳統，試試應節新「煮」意，自家焗製極具視覺和味覺享受嘅月餅，與家人和摯友共度佳節時光。

威靈頓月餅嘅基本材料有：牛柳、巴馬火腿、鮮製磨菇醬等，每一樣都經過Phoebe精心挑選，月餅配方都係反複試驗嘅成果。