近來日夜睇東京奧運，激發你嘅運動細胞及對日本人物事嘅思念？荃灣廣場在今個夏日將港人最愛日本零食POCKY固力果變大，並加入AR互動體驗，讓大家一邊打卡、一邊玩樂，同時治癒思念日本嘅情緒。場內更設期間限定店，有多款獨特口味的固力果零食，以會場限定價發售。
即日起至9月5日，荃灣廣場變身固力果遊樂園，把最Signature的百力滋、POCKY、Cream Collon等零食變成10個「巨大化」日系打卡場景，部分熱點更加入AR技術，讓大家盡情玩樂一番。
在「奔Fun POCKY動感拍照館」，經典的朱古力POCKY變成跑步舞台，大家透過互動遊戲可在螢幕前拍下大頭照，化身成固力果跑步人。
走進「復刻玩味巨型遊戲機」，利用POCKY俄羅斯方塊把出創意照片。旁邊嘅「巨型香濃抹茶POCKY」，內裡嘅抹茶棒棒可以拎起！
坐上「愛心曲奇甜甜樂」，擺出甜美派心pose，仲可透過AR技術，在手機螢幕嘅空中浮現愛心曲奇。
走進「甜美粉色雪糕屋」，發光的軟雪糕倒吊起來，給人夢幻感覺。
在「七彩雪糕搖搖板打卡牆」下，擺pose打卡無難度。
來到「Cream Collon甜心激流滑梯」，用手機Scan 旁邊嘅QR Code，就會見到以AR效果顯示嘅流動脆漿！
黃金百力滋放大版砌成鞦韆形座椅，大人小朋友來到盡情打卡吧！
憑積分及指定消費金額即可走到放大版POCKY壓幣機，帶走2款期間限定金幣。
玩樂之外，荃灣廣場聯同一田超市開設嘅固力果期間限定店，帶來多款限定固力果產品。當中《固力果夏威夷果仁牛油味曲奇》係日本人氣熱賣，另有充滿神秘感嘅《固力果牛奶味魔法百力滋餅乾條》，配搭不同口味嘅百力滋一起食，會好似施魔法一樣，味道會改變架，未試過一定要試呀！
INFO
荃灣廣場 x Glico Fun享夏日 樂「脆」
日期：即日起至9月5日
時間：星期一至日及公眾假期上午10時至晚上10時
地點：荃灣廣場L1樓層中庭
Text: Josie Yan
你或會有興趣的相關文章：
【飲食情報】人氣蘇杭冰室旺角開新店│五星廚主理西餐意粉扒類CP值高
【飲食情報】IG人氣日式卷蛋店觀塘開店│必試限定口味日本玄米茶奶蓋卷蛋