【美食推介】九龍灣新開北海道豚丼店│即烤稀有豚配逾80年祖傳秘醬

飲食 2021-07-29

呢期燒肉丼大熱，又有一間新店登陸香港。源於日本北海道嘅豚丼專門店「豚丼のぶたはげ BUTAHAGE」在九龍灣開設香港首間分店，嚴選日本五日市最優質豚肉，配上逾80年歷史祖傳醬汁，以及日本宮城縣A級靚米，讓香港人在不能旅日嘅日子都品嚐到正宗日式丼飯嘅滋味。

來自北海道嘅「豚丼のぶたはげ BUTAHAGE」，創立於1966年，在十勝帶廣擁有極盛人氣，既深受當地人歡迎，亦係好多旅客到北海道旅遊必食嘅人氣豚丼專門店。

豚丼のぶたはげ BUTAHAGE」在九龍灣開設香港首間分店。豚丼のぶたはげ BUTAHAGE」在九龍灣開設香港首間分店。

燒肉丼誘人嘅美味，由豚肉、醬汁和米飯3部分組成。「豚丼のぶたはげ BUTAHAGE」選用嘅豚肉係日本專家嚴格評級為最優質嘅「かみこみ豚（KAMIKOMI豚）」，即係日本五日市豚肉店最優質嘅3至5% 豚肉眼及豚腩肉，油脂豐腴，肉質幼嫩，肉甜多汁。醬汁方面，以逾80年歷史嘅祖傳秘方熬製，鹹甜味道平衡，帶出豚肉鮮香味。米採用宮城縣產特A級「ひとめぼれ一見鍾情」，米特別香特別甜，質感軟稔。米飯吸索醬汁和肉汁，更可口美味。

店內以紅色和木色為主調，室內設計在日式小店風格上添加摩登元素。

燒肉丼上嘅肉塊全部在店即叫即燒，香氣撲鼻。

「豚丼のぶたはげ BUTAHAGE」有多款鎮店名物丼，必試首選「帶廣名物稀有豚肉丼」。呢款丼飯在日本知名嘅「日本丼物選手權」及由「全國丼連盟」舉辦嘅「全國丼飯大賽」中分別出展及榮獲金賞，美味不容置疑。丼飯上嘅豚肉塊經高溫烘烤，發出陣陣焦香味；咬下肉質幼嫩且多汁。燒肉配上特製燒肉汁，味道天衣無縫，仲有香甜嘅一級靚日本米飯，味蕾大滿足！

帶廣名物稀有豚肉丼 $92(並盛) / $112(特盛) 帶廣名物稀有豚肉丼 $92(並盛) / $112(特盛)

如果喜歡油脂感重一啲嘅肉味，建議點選「稀有豚腩丼」。選用嘅肉材係「かみこみ豚（KAMIKOMI豚）」腩肉部分，油花細緻，脂香十足。豚腩肉經烘烤，肉汁鎖在肉內，與此同時油脂溶解，肉邊微焦，滋味無窮。

(右)稀有豚腩丼 $88(並盛)/ $108(特盛) (右)稀有豚腩丼 $88(並盛)/ $108(特盛)

「豚丼のぶたはげ BUTAHAGE」出品嘅丼飯，屢獲不同丼飯大賽嘅殊榮。另一個得獎名物丼係「稀有豚肉天丼」。呢個由創辦人矢野整社長創作嘅暢銷名物丼，曾於「全國丼連盟」舉辦嘅「全國丼飯大賽天丼部門」中榮獲金賞。優質豚肉眼，配上野菜天婦羅及特製嘅獨創天婦羅醬汁，讓人同時享受到酥脆香口和肉嫩多汁嘅美妙。

稀有豚肉天丼 $95 (加$28可升級至定食套餐，配副菜、茶碗蒸、味噌湯及甜品；另加$5可選擇升級什菌或豚肉味噌湯) 稀有豚肉天丼 $95 (加$28可升級至定食套餐，配副菜、茶碗蒸、味噌湯及甜品；另加$5可選擇升級什菌或豚肉味噌湯)

豚肉丼以外，「豚丼のぶたはげ BUTAHAGE」仲有其他丼飯選擇。「鰻魚三味御膳」採用口感軟嫩肥美嘅鰻魚，配搭香甜醬汁，鰻魚入口溶化，讓人一試傾心。呢個丼食法有3種：第一種係直接食，可以品嚐鰻魚原有嘅味道；第二種是以紫菜絲、蔥花伴鰻魚食，口感及味道更豐富；第三種係將鰹魚高湯倒入鰻魚丼製成泡飯，可享受到不同層次嘅鰻魚丼滋味。御膳配有味噌湯、時令刺身、開胃副菜、幼滑茶碗蒸及甜品，非常豐富。留意返，「鰻魚三味御膳」只在每日下午6時後供應。

鰻魚三味御膳 $168 鰻魚三味御膳 $168