【飲食情報】人氣蘇杭冰室旺角開新店│五星廚主理西餐意粉扒類CP值高

冰室係普羅大眾開餐醫肚嘅好地方，經濟又實惠。以為付出和收入成正比，去冰室唔可以要求太多？上環人氣冰室「蘇杭冰室」，呢間冰室最近在旺角開新店，並請來前五星酒店主廚主理，非港島人以後唔單止唔使過海都可以平民價享受五星級西餐美食。

好多人冒名而專程到上環幫襯蘇杭冰室，因其「芝士汁撈公仔麵」、「秘製瑞士汁雞翼撈公仔麵」及「自家製煲仔麵」都非常出色，美味得令人好想再三回味。冰室得到食客支持，終於衝出港島區，在旺角開新店，除咗繼續提供平民又有特色嘅冰室美食，更增設西餐類別食物，並由曾任群悅酒店、擁有30年西餐經驗嘅主廚主理，讓食客以平民價歎到星級水準意粉、扒餐。

旺角新店裝修設計走北歐簡約風，給人舒適休閒感覺。

既然請來星級大廚坐鎮，意粉出品為達至星級水平，選材方面絕不馬虎求其。首先，意粉用意大利進口嘅，入口彈牙，唔會一夾就斷，而且特別掛汁。

卡邦尼意大利粉

天婦罹軟殼蟹忌廉汁天使麵

食西餐，要知質素，扒餐見真章！蘇杭冰室嘅扒類CP值極高，所有肉扒不經特別醃製及不用鬆肉粉。肉扒以明火炭燒，肉香之外更有煙熏香氣。

炭烤阿根廷穀飼肉眼牛扒

炭烤羊扒

西餐甜品款式多，而蘇杭冰室旺角店因請來西日甜品師主理甜品，主打迷倒日本少女心嘅梳乎厘班戟。呢度嘅班戟鬆軟可口，而且有多款口味：士多啤梨、藍莓和朱古力，帶來滿滿幸福感覺。

士多啤梨梳乎厘班戟

 藍莓芝士梳乎厘班戟

西餐以外，旺角店照常供應多款經典冰室美食。澳牛招牌炒蛋系列及芝士汁撈公仔麵係必食之選，芝士汁用上3種芝士：Mozzarella、車打及帕馬臣，再加低脂奶秘製，質感濃稠，芝香味濃。

澳牛招牌炒蛋系列及芝士汁撈公仔麵

另一人氣之選係太平館瑞士汁雞翼撈公仔麵。傳統瑞士汁用甜豉油加冰糖製作，呢度嘅配方再混合其他醬料所製成，瑞士汁甜中帶甘，提升雞翼、雞髀嘅美味。

太平館瑞士汁雞髀撈公仔麵

再來推介有自家製麻辣煲仔肉丁麵，秘製麻辣醬料材料包括：指天椒、炮彈椒、小米椒及牛角椒等，配上大量香嫩肉丁，底部麵條吸盡麻辣醬汁精華，辣得過癮。可以自選辣度，挑戰你味蕾。

自家製麻辣煲仔肉丁麵

新店開張有限時優惠。即日至8月31日，惠顧任何扒類即送自選水果特飲。

水果特飲

INFO

蘇杭冰室(旺角店)

地址：旺角豉油街 60-104B 號鴻都大廈地下 9-10 號舖

營業時間：星期一至日 7:00am-2:00am

電話：2885 5108 / 9543 8804

Text:  Josie Yan

你或會有興趣的相關文章：

【甜品控召集】超過15間人氣IG店快閃中上環│逾60 款手工麻糬麵包/貝果/蛋糕

【人氣沾汁麵】「神山」尖沙咀店推日售10碗限定│「火山極盛豚肉沾汁麵」10倍份量豚肉燒