【暑假玩樂】香港國際旅遊展7月29日開幕│新增豪華露營及本地遊

疫症爆發中止咗香港人旅遊嘅步伐，但隨著全球多國展開疫苗接種，部分歐洲及亞洲目的地已通關，港人重啟旅遊大計指日可待！香港國際旅遊展 (旅展) 將於7月29日至8月1日在香港會議展覽中心1B及1C展廳舉行，來自17個國家及地區逾百多家展商將帶來最新嘅旅遊資訊，讓你為下次出遊做好計劃。

今屆旅展雖然規模比往年縮少，但內容依然精采。來自境外及海外嘅展商佔整體超過50%，包括：中國內地、香港、澳門、台灣、阿根廷、保加利亞、加拿大（黃刀鎮）、伊朗、巴基斯坦、西班牙 (卡斯蒂利亞-拉曼恰)，日本德島縣、福岡縣、長崎縣、富山縣、熊本縣、宮崎縣和中国地方都有自己嘅展台，將能為入場人士帶來最新嘅當地旅遊資料。

每年香港國際旅遊展都吸引大批喜歡旅遊嘅人入場參觀。

今屆旅展不但內容豐富，安排亦與歷屆不同。由於香港仍未能通關，因此外地買家及觀眾未能來港出席，所以大會修改了進場規定，在第一天及第二天早上只准已登記業界進場，成功辦理參觀證者可於這兩天無限次數進出會場。到第二天下午至最後一天，公眾可以使用八達通付費進場。

今屆旅展入場有新安排，在展期第二天下午，公眾已可買票入場。

內容方面，今屆旅展引入了多個新主題。在豪華露營展區，單車專家Alan Ho將借出其越野車配有露營裝備作展出，而另一位在長洲營辦營地嘅展商─西園將會展出印第安人式帳幕。大家來到呢一區參觀，不但可獲旅遊資訊，更可順勢打卡！主打精緻手工點心嘅茶館「福和雍」將於現場提供優質茶和點心；現場特別設計嘅裝飾，讓入場人士重溫昔日上茶館嘅感覺。

今屆旅展引入了多個新主題，例如豪華露營展區，帶來更多旅遊新意。

距離香港約1個小時車程嘅大灣區，有多個特色旅遊景點及地道美食。旅遊達人Sunny Wong將會分享坐高鐵嚐美食、大灣區主題區旅遊資訊，以及影相打卡位秘點！今年旅展將有更多關於戶外及綠色旅遊嘅內容。其中一項與野外動向合辦的「多彩香港攝影比賽」，比賽優異作品將在會場中展出，讓觀眾分享香港郊野中精采「打卡位」！

會場內有很多打卡位！

野外動向創辦人亦邀請多位KOL來分享旅遊體驗，例如：Alan Ho講解單車旅遊與豪華露營、Hidy Yu講解潛水和鬼網、Plato Luk會講越野跑街跑嘅有效培訓、James Kwok分享360度睇大帽山、Foto Mo暢談越野跑中如何攝影、Jan會與劉志華一齊主持一個野外活動困難嘅講座。

另外，Alan Ho將在自己攤位中介紹單車學校，Louis Choi 旅遊雜誌編輯的講座中會介紹台灣不同城市的單車徑，一些經過小山坡、一些經海邊、還包括高難度武嶺單車徑，亦會介紹路過的小鎮，溫泉同美食！香港市民潘振僑先生則會分享撒哈拉沙漠跑251公里6日5夜馬拉松嘅故事。

多位旅遊達人及行內專業人士獲邀到場分享旅遊資訊及經歷。

在日本參展商中，入場人士可尋找較休閒舒適嘅綠色旅遊，例如：歎為觀止嘅九州宮崎縣高千穗峽谷、熊本縣阿蘇山連綿不斷嘅綠野山林，仲有當地溫泉及美食！

喜歡去日本旅遊嘅人可在全場內可找到最新日本旅遊資訊。

旅遊講座向來係旅展嘅重點活動，題材多元，為入場人士提供實用旅遊資訊。今次講座一樣精采，請來不同講者作分享，包括：香港入境處將介紹可為在境外遇上困難嘅香港人提供嘅協助工具或途徑、野外動向會介紹香港綠色旅遊資源、旅遊達人Yolanda Chan將會分享法國西南遊嘅經歷。

部分國家參展商更安排特色民族舞蹈或展現該國特色嘅表演。

INFO

Text:  Josie Yan

你或會有興趣的相關文章：

【人氣沾汁麵】「神山」尖沙咀店推日售10碗限定│「火山極盛豚肉沾汁麵」10倍份量豚肉燒

【購物著數】零食網購平台2周年優惠│連續4周精選零食75折