【純素雪糕】本地每日鮮製植物奶雪糕│必試開心果 + 薄荷黑朱古力

飲食 2021-07-21

炎炎夏日，想食雪糕但又要健康，用植物奶製造而且無添加嘅雪糕會成為你嘅最愛嗎？本地品牌Harmony，全線雪糕以100%杏仁奶或腰果奶每日新鮮製造，而且嚴選高級優質食材及有機原蔗糖炮製獨家口味，為喜歡食雪糕嘅你帶來無負擔嘅香甜滋味！

近年港人對健康生活和味覺享受愈來愈有要求，即使簡單一杯雪糕，都想食得健康啲。本地品牌Harmony由70後夫婦Wilson及Vivian創立，佢哋醉心研究以100%杏仁奶或腰果奶炮製無添加植物奶雪糕。

Harmony植物奶雪糕以100%杏仁奶或腰果奶炮製無添加成。 Harmony植物奶雪糕以100%杏仁奶或腰果奶炮製無添加成。

Vivian曾遠赴意大利及加拿大研習意式雪糕及美式雪糕嘅理論及製造；另外，雪糕所採用嘅植物奶，使用百分百腰果或杏仁自家磨碎及壓榨，過程絕無添加，保證味道天然。製雪糕如要加糖調味，絕不用精製白糖，只採用有機原蔗糖及含低卡路里嘅海藻糖。

Harmony植物奶雪糕口味多元化，使用嘅食材經嚴格挑選。 Harmony植物奶雪糕口味多元化，使用嘅食材經嚴格挑選，例如採用西西里開心果、京都小山園高級宇治抹茶粉、貓山王榴槤、法國Valrhona朱古力，務求雪糕味道濃郁又富層次。

另外，為使雪糕口感更豐富，添加植物纖維，但堅決不使用任何色素、味素或防腐劑，確保天然健康。品牌出品所有雪糕全部在香港每日小批量新鮮製造，為顧客帶來最優質嘅滋味。

Harmony植物奶雪糕現於City’super、fusion等專售優質食材超市及部分有機食材店有售。 Harmony植物奶雪糕現於City’super、fusion等專售優質食材超市及部分有機食材店有售。最近新增售賣點有3threesixty、Market Place by Jason’s及Oliver’s the Delicatessen有售。

Harmony經典口味雪糕有開心果，選用100%西西里頂級開心果，由於果仁優質且價錢貴，全球只有5%雪糕製造商會用呢款果仁。雪糕充滿開心果果仁香味，人人試人人難忘。70%黑朱古力口味選用法國高級Valrhona朱古力，由於達70%，朱古力內可可及礦物質含量高，味道更濃，而且抗氧化效用更高。喜歡水果口味嘅，必試芒果口味。雪糕使用來自印度嘅阿芳素芒果，芒果香味獨特，甜度得宜！

Harmony招牌口味有開心果，選用100%西西里開心果製造。 Harmony招牌口味有開心果，選用100%西西里開心果製造。$38 / 杯

今個夏日，Harmony推出多款新口味，帶來味覺新刺激。推介有Musang King貓山王榴槤口味，貓山王榴槤香氣極誘人，細味有回甘，雪糕內有啖啖果肉，令人欲罷不能。Mint Mania薄荷黑朱古力主要成分有Valrhona 70%黑朱古力、100%純天然薄荷精華及Valrhona可可碎。市面常見嘅薄荷雪糕為淺藍綠色，美麗色澤背後其實係加添人造色素。Harmony出品嘅摒棄添加色素，反而朱古力襯托薄荷清涼口感，味道與別不同。喜歡雪糕口味層次豐富啲，可以一試French Aroma法國杏桃雲尼拿鹽之花口味。腰果奶加入法國杏桃、馬達加斯加雲尼拿，以及鹽之花，入口有淡淡腰果香，夾雜杏桃果香、雲尼拿清幽，仲有鹽之花點睛，帶來全新雪糕滋味體驗。