【飲食情報】燒肉LIKE葵芳開新分店│全新NEXT植物肉套餐

飲食 2021-07-08

食素都可以享受燒肉嘅樂趣！「燒肉LIKE」最近在葵芳新都會廣場開設第二分店，特意聯乘日本植物肉公司NEXT MEATS推出全新「NEXT」植物肉餐目，更為一眾「草食系」帶來佳音，為燒「肉」迷帶來創新選擇！

燒肉有人覺得成班人圍爐燒先開心，但亦有人享受「一人之境」獨個燒嘅浪漫。如果你係後者，「燒肉LIKE」就滿足到你想獨自一人歎燒肉嘅樂趣。「燒肉LIKE」位於葵芳新都會廣場嘅新分店，配備無煙燒爐、「無接觸式」點餐模式，讓你食得安心放心。

「燒肉LIKE」在葵芳新都會廣場開設第二分店。「燒肉LIKE」在葵芳新都會廣場開設第二分店。

新店配備無煙燒爐，先進除煙技術，令你食得更安心。

新店開張，更照顧一眾「草食系」嘅食「欲」需求，聯乘日本植物肉公司NEXT MEATS推出全新「NEXT」植物肉餐目。全新「NEXT 牛五花及NEXT橫膈膜肉」套餐採用以嚴選優質材料植物蛋白製成嘅植物肉，植物肉經燒烤後既有肉香，亦有真肉嘅嚼勁，讓一眾「食素未深」仍念念不忘肉香肉感嘅人，得到口欲嘅享受。套餐配白飯、生菜及迷你沙律或泡菜（非素食），白飯特選源自宮崎縣嘅日本JGIA最高級「特A」米，入口細膩軟綿，充滿米香。「NEXT 牛五花及NEXT橫膈膜肉套餐」由即日起至8月3日期間於「燒肉LIKE」全線分店供應。