【飲食情報】中環美食廊BaseHall新店加盟│潮食人氣中東菜 / 創意芝士通心粉

飲食 2021-07-07

位於中環怡和大廈嘅美食廊BaseHall，開業1年多，好評如潮。最近引進被喻為城中最佳中東餐廳而且訂枱難度極高嘅FRANCIS，為一直想試高質中東菜但失望而回嘅你帶來搵食途徑。香港手工啤酒品牌少爺啤主理嘅Grub 1842，推出期間限定美食Mac & Cheese，特濃芝士配手工啤，完美滋味配搭。

BaseHall喺一個匯聚本地人氣餐飲品牌嘅地方，為附近上班一族帶來更多美食選擇。走進BaseHall，你會有一種穿越時光隧道，回到80年代嘅感覺。室內設計概念來自1970年代嘅怡和大廈，設計師透過空間布置、燈光等重塑80年代嘅復古情懷，但同時不失時尚格調。

走進BaseHall，你會有一種穿越時光隧道，回到80年代嘅感覺。走進BaseHall，你會有一種穿越時光隧道，回到80年代嘅感覺。

BaseHall室內設計概念來自1970年代嘅怡和大廈，充滿復古味道。 BaseHall室內設計概念來自1970年代嘅怡和大廈，充滿復古味道。

美食廊內集合多間本地人氣食店，漢堡、燒雞、三文治、東南亞菜式等，食店會不定期更換，增加新鮮感。最新進駐嘅食店有灣仔人氣中東餐廳FRANCIS，主打以色列特拉維夫嘅街頭美食。Rotisserie Chicken係必食招牌菜式，百里香辣雞配「穆達達拉」五香米飯，飯內混有扁豆、焦糖洋蔥，非常惹味。Mini Beef Shawarma中東黎凡特地區嘅肉類料理，特製烤餅上有幾片烤香嘅牛肉薄片，再加上用香料炒香嘅洋葱和特製醬汁，味道特別又可口。

Rotisserie Chicken係中東餐廳FRANCIS嘅招牌名菜。 Rotisserie Chicken係中東餐廳FRANCIS嘅招牌名菜。

Mini Beef Shawarma中東黎凡特地區嘅肉類料理。 Mini Beef Shawarma中東黎凡特地區嘅肉類料理。

小食方面，推介有中東傳統嘅Manti 餃子。餃子可選擇羊肉或素食餡料，佐以酸奶和磨碎嘅番茄作醬。素食者或偏好輕盈餐膳者，可以一試中東三文治Sabich。呢個係以色列最受歡迎嘅街頭小吃，係一種源自耶路撒冷嘅芝麻味貝果，配現炸茄子、薯仔、雞蛋和哈里薩辣醬，食味很豐富，完全無素菜嘅單調感。

中東三文治Sabich食落完全不似素食，食味很豐富。中東三文治Sabich食落完全不似素食，食味很豐富。

BaseHall致力為食客提供用餐體驗，由本地手工啤品牌少爺啤經營嘅Pub 1842，將期間限定烹飪概念繼續延伸至 Grub 1842，推出不同口味食物。最新出品係把傳統 Mac & cheese變調，加入本地食材元素，賦予新魅力。3款創意口味Mac & cheese，完全打破大眾對呢種經典食物嘅印象，加添滋味。Black Mac 係黑色版Mac & cheese，加入墨汁，加添鮮味。放在通粉面嘅螢光魷魚，鹹鮮味十足，肉質鮮嫩，大大減低芝士嘅膩感，味覺有驚喜。Red Mac加入紅麴米，增添微酸；辣肉腸粒如畫龍點睛，提升食味。Burrata Shroom Mac食味更具衝擊感，豉油汁煮松茸加馬蘇里拉芝士，將傳統Mac & cheese顛覆，喜歡創新嘅你一定要試。