今個暑假想玩刺激遊樂活動嗎？「第二人生體驗館」創辦全港首個實景LARP遊戲館，除咗1：1將劇本中場景、道具呈現出嚟，更配合特別定制服裝、音樂與燈光特效加以渲染恐怖驚悚氣氛，為參與者提供前所未有嘅互動體驗。
LARP(Live-action Role Playing)即係實境角色扮演遊戲。「第二人生體驗館」將實境角色扮演、懸疑推理和密室逃脫等元素結合，為玩家帶來不一樣嘅團體遊戲。體驗館主題不定期更換，現有兩個主題供玩家選擇，分別係《劏房殺人夜》及《養鬼》，難度有高有低，迎合不同需求嘅玩家。玩樂期限暫定至7月31日。
「第二人生體驗館」為玩家帶來體驗另一個身份角色嘅機會，經歷一段超乎想像嘅非凡人生。
《劏房殺人夜》圍繞著6個古怪詭異嘅劏房住客展開，本來毫無交集嘅一群人，因為一具懸吊於破舊唐樓內嘅屍體而聚首，繼而揭發一連串不為人知嘅秘密。遊戲時間為90分鐘，參加者人數為6名，兩男2女，亦歡迎參加者反串。遊戲難度較低，適合初體驗LARP嘅人。
將劇本中場景以1：1呈現出來，加強真實感，增加玩家投入程度。
精心製作嘅道具，讓玩家經歷視覺、觸覺等多種衝擊，投入其中，不寒而慄。
《養鬼》以「養鬼之術」為主軸，話說某天水缸內發現一具腐爛難辨嘅女屍，周遭一切令人聯想到村內一直盛傳嘅養鬼術。為找尋真相，村民及有嫌疑嘅人全部都留在南英圍內搜證。遊戲時間為120至150分鐘，參加人數6至8名，組合可以係4男2女或5男3女，亦歡迎參加者反串。
為營造氣氛，音樂及燈光都按劇本推進而特別設計，玩家有如親歷其境，更加刺激。
每位玩家都會拿到一本專屬劇本及為角式定制嘅服裝，其中一位玩家更獲派成為兇手。劇本仔細交代每個角色嘅背景故事、在故事發生當刻嘅角色事件，以及來到目的地嘅原因等。玩家們必須按照劇本演好角色，包括說話方式、行為，以及與其他角色互動、分享資訊等，以便找出其他人嘅秘密，從中推理出答案，找出真兇。呢個遊戲由於含較驚嚇及恐怖情節，而且解難系數亦較高，參加者不但需具備腦力，更要夠膽量，才能有機會成功破解迷題。
玩家各有專屬劇本，詳細介紹故事內容、角色個性特徵等。
體驗期間，玩家可以自由交談，通過通過質問對方套出關鍵線索。若被問到劇本中沒有提到的問題時，玩家更可自由發揮急才。由於有玩家嘅創意投入，使故事橋段變得更豐富，提升找出兇手嘅難度。
玩家通過彼此互動，以及現場暗藏嘅線索作出推理，找出兇手。
INFO
「第二人生體驗館」
地址：香港尖沙咀廣東道80號Cantonyama 3樓
票價：《劏房殺人夜》每位$275；《養鬼》$350
網址：https://2ndlife.hk/
Text: Josie Yan
你或會有興趣的相關文章：
【飲食情報】唯港薈榴槤自助早午餐限10場│下午茶任食榴槤Godiva扭紋雪糕
【親子活動】將軍澳全港首個屁屁偵探特展│期間限定店瘋搶香港獨家精品