【飲食情報】唯港薈榴槤自助早午餐限10場│下午茶任食榴槤Godiva扭紋雪糕

飲食 2021-06-28

夏天飄來榴槤香！唯港薈舉辦馬來西亞榴槤節，讓榴槤控盡情無限食榴槤！酒店將早午餐及下午茶套餐變身榴槤盛宴，推出多款榴槤美食，鹹甜美點有，熱葷甜品有，雪糕蛋糕都有，總之將榴槤美味發揮到極緻，等著全城「榴槤殺手」嚟K.O.！

今年已經係唯港薈第三年舉辦馬來西亞榴槤節，適逢酒店開十周年，酒店推出升級版飄香榴槤下午茶以及10場榴槤自助早午餐，讓榴槤控歎到「榴槤忘返」。今次榴槤節用到嘅多個唔同品種榴槤，包括：彭享洲D197貓山王、檳城D175紅蝦、D163葫蘆、柔佛洲D101柔佛黃金及197榴槤等，未食先已能想像飄香程度。

榴槤節採用多個不同馬來西亞品種榴槤製作美食。

榴槤自助早午餐提供一系列創意榴槤熱葷、甜品菜式以及各款馬來西亞及國際佳餚，單係用榴槤製作嘅榴槤菜式及甜品共有16款之多。其中3款將以一人一份形式供應，包括主角馬來西亞榴槤果肉拼盤，食客可一次過品嚐5款頂級榴槤滋味 (小童可享兩款)，包括彭享洲D197貓山王、檳城D175紅蝦及D163葫蘆、柔佛洲D101柔佛黃金，以及由來自馬來西亞並有「榴槤王子」美譽嘅酒店署理行政總廚何偉誠師傅Danny重點推介嘅神秘榴槤品種。

馬來西亞榴槤果肉拼盤，讓人一次過品嚐5款頂級榴槤滋味。馬來西亞榴槤果肉拼盤，讓人一次過品嚐5款頂級榴槤滋味。

榴槤焗釀珍菌波士頓龍蝦以鮮蘑菇、雞脾菇、靈芝菇、馬蹄、龍蝦肉及榴槤作餡料，口感豐富。

貓山王榴槤腐皮海鮮石榴球清甜多汁，食味意想不到。

貓山王榴槤銀耳燉紅棗白玉湯以榴槤核、冬瓜、雪耳與榴槤等一同燉製，集所有精華於一身，非常滋潤。

榴槤自助早午餐另一人氣焦點，就是榴槤化身成為各式甜點，令人放縱於榴槤飄香之中。甜點選擇包括：榴槤芝士餅、榴槤芝士撻、榴槤芒果糯米飯、班蘭榴槤蛋糕，仲有酒店招牌菜榴槤布甸、榴槤泡芙及榴槤雪糕，榴槤控大滿足。「榴槤王子」Danny更會於每一場嘅早午餐擔任星級司儀，並介紹馬來西亞及馬來西亞嘅榴槤，佢更會同食客玩問答遊戲，即場舉辦大抽獎活動送出3份唯港薈嘅免費餐飲券！

班蘭榴槤蛋糕甜而不膩。

由7月5日起，The MARKET再度推出飄香榴槤下午茶，特別加入多款矜貴菜式包括榴槤焗釀珍菌波士頓龍蝦及貓山王榴槤銀耳燉紅棗白玉湯，以及馬來西亞直送D175紅蝦及D197榴槤各1件。除此之外，下午茶更供應多款以馬來西亞進口榴槤所製成嘅甜點，包括Forbidden D24榴槤蛋卷、榴槤泡芙及榴槤木糠布甸。特別一提係，凡惠顧飄香榴槤下午茶食客，更可享2小時任食唯港薈自家製榴槤雪糕及新推出嘅榴槤X Godiva扭紋雪糕，榴槤芳香，令人難以抗拒。