【飲食情報】海港城人氣咖啡店限定甜點│Gelato Sando外熱內冷刺激味覺

飲食 2021-06-22

夏天天氣熱，食雪糕最爽！本土人氣咖啡店Cupping Room尖沙咀海港城分店推出全新透心涼甜點Gelato Sando，除5款特別口味外，另可自由搭配不同Gelato雪糕、配料及醬汁，自創口味。即使本身唔甜品控，見到都抵不住誘惑，好想大啖咬落去！

先介紹返Gelato Sando嘅外形，貝殼造型麵包，經快速高溫烤製，金黃色外層，非常吸引。外層充滿蛋香，味道微甜，有啲似法式奶油蛋捲。內裡包著冰涼口感嘅Gelato雪糕，加上特色醬汁及配料，外熱內冷，層次豐富，帶來食味驚喜。

Cupping Room尖沙咀海港城分店擁有一流維港美景，坐喺度攤雪糕甜味，度過快樂時光。 Cupping Room尖沙咀海港城分店擁有一流維港美景，坐喺度攤雪糕甜味，度過快樂時光。

鍾愛雪糕嘅大廚Gordo特別研發5款獨特口味配搭，美味升級。不得不試有Chef’s Favourite內裡係開心果意大利雪糕，加埋開心果醬和脆皮莓子和開心果。因應香港人口味，Gordo以香芋意大利雪糕、煉奶、香脆焦糖和香蕉脆片，造出HK Favourite口味。鍾情意式咖啡嘅濃香味嘅你，可以一試CR Mocha，用上Cupping Room咖啡意大利雪糕、可可醬、烤杏仁和香脆黑朱古力球，美味沒法擋。抹茶控要試CR Matcha，內有牛奶意大利雪糕、Cupping Room特級宇治抹茶醬、脆皮莓子及抹茶粉。最後一款新口味係Frozen Chanel，選用Cupping Room 咖啡意大利雪糕、Cupping Room高級宇治抹茶烤椰子醬、香脆焦糖和香脆黑朱古力球。

Gelato Sando外層麵包烤得金黃，微味奶香味很誘人。 Gelato Sando外層麵包烤得金黃，微味奶香味很誘人。

如果5款特色口味未能取悅你心，你仍然可選擇自創味道配搭。Cupping Room有多款香港製造嘅意大利雪糕，包括：牛奶、Cupping Romm咖啡、開心果、香芋及期間限定口味；醬汁有款選擇：士多啤梨、朱古力、榛子、開心果，全部意大利製造；至於配料，選擇包括：香脆焦糖、開心果、脆皮子、香脆黑朱古力球、香蕉脆片和烤杏仁。每個Gelato Sando可選兩款。

Gelato Sando 單⼀售價均為 $68，可按喜好和需要額外加 $5 ⼀款配料及醬汁。 Gelato Sando 單⼀售價均為 $68，可按喜好和需要額外加 $5 ⼀款配料及醬汁。