【飲食情報】agnès b. CAFÉ旗艦店窩夫新配搭│烤無花果 / 牛油果沙律 / 煎油封鴨

飲食 2021-06-16

位於尖沙咀K11購物藝術館嘅agnès b. CAFÉ RUE DE MARSEILLE旗艦店推出多款全新法式清新素食及窩夫菜式，給你輕盈滋味迎接清爽夏日，一次過滿足你多個飲食願望。

加入素食行列嘅人除咗注重個人健康外，唔少都關注和愛護環境。agnès b. CAFÉ RUE DE MARSEILLE支持可持續生活方，特意採用時令水耕沙律菜炮製多款素菜美食。特別推介有植物肉牛油果芝士漢堡，漢堡雖然不含肉，但用植物製成嘅替代肉無論色香味不比傳統牛肉遜色，口感上一樣得到滿足。

植物肉牛油果芝士漢堡 $158

喜歡甜點嘅你，agnès b. CAFÉ RUE DE MARSEILLE推出多款新口味窩夫選擇。窩夫最常配水果，蜂蜜芝士烤無花果窩夫給你非一般嘅嘅食味配搭。無花果又有「生命之果」美稱，營養豐富，含大量醣類、維他命及胺基酸等，具有抗炎、促進消化、通便潤腸等功效。喜歡沙律配窩夫，減低甜點嘅甜膩感，牛油果水牛芝士番茄窩夫沙律係不錯選擇，食感輕盈清新。如果喜歡新鮮感，不妨一試香煎油封鴨腿配烤蘑菇溫泉蛋窩夫，鹹甜配搭，帶來味覺刺激。香煎油封鴨腿軟嫩多汁，窩夫外脆內軟，食味層次豐富。

蜂蜜芝士烤無花果窩夫 $88