【飲食情報】加州風情薄餅店登陸屯門│火山石爐烤薄餅皮薄香脆

飲食 2021-06-11

成班人出街食飯，可以開心share嘅薄餅係不錯選擇。來自美國比華利山嘅California Pizza Kitchen最近在屯門市廣場開新店，店內設置由美國訂製嘅火山石爐，薄餅即叫即焗，皮薄餅脆。薄餅口味多元化，由泰式至中美洲風味都有，加上由美國直送嘅獨特配料，帶來經典美式滋味。

食pizza有人鍾意追求正宗傳統，有人覺得創意美味先係重點。若果你係後者，California Pizza Kitchen(CPK)可能正對你胃口。呢間在加州起家嘅薄餅店，薄餅口味非常多元化，由泰式至中美洲風味都有，滿足唔同人嘅喜好。口味之外，亦著重食材，選用美國直送秘製獨特配料，包括馬蘇里拉之士、果木煙火腿、薄餅醬汁及海鹽等，將天然純樸味道帶到餐桌上。

California Pizza Kitchen(CPK)繼在紅磡黃埔開設5千多呎旗艦店後，最近再在屯門市廣場開分店。 California Pizza Kitchen(CPK)繼在紅磡黃埔開設5千多呎旗艦店後，最近再在屯門市廣場開分店。

屯門新店設計以陽光海浪為主題。

新店採用開放式廚房，顧客可以盡覽薄餅製作過程。

CPK特別從美國訂製火山石製成嘅焗爐，能在短時間內將麵烤焗成香脆薄餅。 CPK特別從美國訂製火山石製成嘅焗爐，能在短時間內將麵烤焗成香脆薄餅。

講到CPK最具代表性嘅薄餅口味，一定係原味燒烤雞肉薄餅。秘製燒烤醬非常惹味，仲有芝士、紅洋蔥、新鮮芫茜和雞肉，經典配搭，經典滋味。想食味再豐富啲，建議可加配果木燻煙肉或菠蘿。對無辣不歡嘅人，要點水牛香辣雞肉薄餅，雞肉用秘製水牛醬汁醃製，配上馬蘇里拉芝士、甘筍、藍芝士粒、芹菜和秘製藍芝士沙律醬，又香又辣，引人食慾。

原味燒烤雞肉薄餅 $130 原味燒烤雞肉薄餅 $130

水牛香辣雞肉薄餅 $126 水牛香辣雞肉薄餅 $126

如想給味蕾帶來衝擊，要試試泰國風味薄餅，雞肉配泰式花生醬、馬蘇里拉芝士、豆芽、甘筍絲、蔥絲和新鮮芫茜，食材配搭有別非一般薄餅，富有亞洲風情。另外，近年素食成為新食潮，CPK有多款素食薄餅選擇，照顧素食者需要。隨著大眾對健康飲食要求提升，CPK更推出椰菜花餅底代替傳統手拉薄餅底，只要加$22升級，就可以享受薄餅同時，攝取豐富蔬菜營養。

泰國風味薄餅 $128 泰國風味薄餅 $128

五色芝士配鮮茄薄餅 $128 五色芝士配鮮茄薄餅 $128

加州特色素菜薄餅 $128 加州特色素菜薄餅 $128

香草野菌薄餅 $128 香草野菌薄餅 $128

香辣大蝦薄餅(椰菜花薄餅底) 香辣大蝦薄餅(椰菜花薄餅底)

CPK主打薄餅以外，主菜、意粉和甜品都有特色。特別推介有烤焗雪松木板三文魚。原件挪威三文魚放喺雪松木板上，加上煙燻紅椒粉及青檸汁，再放入火山石焗爐內烤焗，然後伴以鋪上羊奶芝士嘅炒粟米粒及波菜，清新海鮮加上雪松的香氣格外吸引。創意之選有中式宮保意大利粉。中式宮保醬汁和西式麵食意大利粉完美融合，可自選配雞肉或蝦肉，以及兩者同嚐，美味升級。甜品要試牛油蛋糕，微暖蛋糕配新鮮忌廉，一次過品嚐到香甜軟滑。加$20可添一球Haagen-Dazs 雲喱拿雪糕球，更美味。

烤焗雪松木板三文魚 $198 烤焗雪松木板三文魚 $198