【飲食情報】中環置地人氣美式蛋糕店│西瓜雪芭蛋糕一見透心涼| likemagazine.com.hk
飲食
【飲食情報】中環置地人氣美式蛋糕店│西瓜雪芭蛋糕一見透心涼

【飲食情報】中環置地人氣美式蛋糕店│西瓜雪芭蛋糕一見透心涼

炎炎夏日,以為雪糕冰品成先能為你消暑降溫?凡事有例外。中環有間美式蛋糕店在今夏推出西瓜造型雪芭蛋糕,萌爆賣相唔止令人一見傾心,更即刻feel到透心涼之感。除此之外,重新演繹嘅香蕉船新地,以及向懷舊美式風味致敬的 S’mores 朱古力棉花糖蛋糕,都為味蕾帶來絲絲涼意,驅趕酷暑。

 

Butter Bakery自從在中環置地廣場開設期間限定店以來,成為甜品界嘅人氣話題,其經典懷舊美式甜點,雖然睇落好heavy,但又令人好想試,就算明明在控重中都甘心破戒,食咗先講。招牌出品如蘋果批、三重朱古力蛋糕等,好多人一試愛上,從此成為堅實忠粉。今個夏天,呢間店又推出話題作─冰爽西瓜雪芭蛋糕,打破蛋糕給人嘅食感,同時成為炎夏消暑之選!

 

冰爽西瓜雪芭蛋糕 造型非常討人愛。冰爽西瓜雪芭蛋糕 造型非常討人愛。

 

冰爽西瓜雪芭蛋糕嘅餅底係曲奇碎,上層「紅色果肉」為冰爽自家製西瓜雪芭,外層有粒粒朱古力點扮「西瓜籽」,造型維妙維肖,令人一見興奮。清甜味道超出想像;雪芭冰涼食感為夏日添上涼意!

 

冰爽西瓜雪芭蛋糕 $80 / 件冰爽西瓜雪芭蛋糕 $80 /

 

Butter Bakery係一間主打懷舊美式甜點嘅店舖,講到懷舊甜品,又點可以少咗香蕉船新地。呢間店將傳統嘅香蕉船新恃重新演繹,以朱古力、士多啤梨及雲呢拿雪糕為基礎,唧上幼滑可口嘅忌廉及朱古力醬,最後當然要放上標誌性裝飾櫻桃點綴。味道係點?甜、香、滑,甜品要有嘅元素都有,仲帶來無限回憶添!

 

香蕉船新地 $100 (只限星期日供應)香蕉船新地 $100 (只限星期日供應)

 

夏天熱辣辣,俾人一種唔爽感覺,想用味覺消除呢種不安感?可以一試S’mores朱古力棉花糖蛋糕。呢一款充滿童年味道嘅蛋糕,雖然只有3大元素:烤棉花糖、朱古力及全麥餅,要做得好絕對唔容易。呢個係完美比例配搭,輕滑甜美,心情好,忘記炎熱天氣帶來嘅煩燥。

 

S’mores朱古力棉花糖蛋糕 $80 / 件 (6月23日起供應)S’mores朱古力棉花糖蛋糕 $80 / (623日起供應)

 

另一個充滿夏日feel嘅蛋糕係草莓大黃批。未食已經幻想到天然水果嘅清新微酸,加上酥皮嘅香脆口感,舌尖嘅美妙享受。

 

草莓大黃批 $70 / 件草莓大黃批 $70 /

 

蛋糕甜點以外,Butter Bakery嘅飲品帶來新鮮感。雪糕根啤係經典嘅午後消暑飲品。傳統做法係用12種不同嘅香料逐少加入釀製而成。但呢間店嘅配方係自家秘方,香味獨特,味道豐富得令人一試再試,捨不得放低。根啤上有一大球雪糕,暑氣全消。

 

雪糕根啤 $60雪糕根啤 $60

 

蜜桃係夏天代表水果之一。香甜蜜桃冰茶自家製加冰鎮,香甜解渴,夏天最愛。

 

香甜蜜桃冰茶 $40香甜蜜桃冰茶 $40

 

INFO

Butter Bakery期間限定店

地址: 中環皇后大道中 15 號置地廣塲 2 239 號舖

電話:2670 2670

 

Text:  Josie Yan

 

你或會有興趣的相關文章:

【飲食著數】6月歎深水埗人氣中菜│請你全枱任飲啤酒2小時

【飲食情報】即摘即煮微菜苗實踐Farm to Table│炭烤無激素肉類/特色蔬果沙冰

相關文章
【飲食情報】悉尼人氣越南湯粉店進駐西營盤│30斤牛骨熬湯每日新鮮製【飲食情報】悉尼人氣越南湯粉店進駐西營盤│30斤牛骨熬湯每日新鮮製 【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚【飲食情報】網上預訂5星酒店4人8道菜套餐│每人$247歎冬瓜盅/片皮鴨/鮑魚 【飲食情報】尖沙咀K11 Art Mall薯條節│指定餐廳買薯條送汽水【飲食情報】尖沙咀K11 Art Mall薯條節│指定餐廳買薯條送汽水 【飲食情報】日本燒牛丼元祖登陸旺角│即叫即燒鐵板燒烤牛/豚肉【飲食情報】日本燒牛丼元祖登陸旺角│即叫即燒鐵板燒烤牛/豚肉 【飲食情報】加州風情薄餅店登陸屯門│火山石爐烤薄餅皮薄香脆【飲食情報】加州風情薄餅店登陸屯門│火山石爐烤薄餅皮薄香脆 【飲食情報】翡翠拉麵小籠包限定春日菜式│櫻花蝦玫瑰入饌粉色炒飯拉麵【飲食情報】翡翠拉麵小籠包限定春日菜式│櫻花蝦玫瑰入饌粉色炒飯拉麵 【飲食情報】尖沙咀18道OMAKASE唔使1千元│5月必試限定活紫海膽套餐【飲食情報】尖沙咀18道OMAKASE唔使1千元│5月必試限定活紫海膽套餐 【飲食情報】大角咀西式濃湯輕食店│本地/素食/低碳/無麩質【飲食情報】大角咀西式濃湯輕食店│本地/素食/低碳/無麩質