【Shopping情報】MOLLY 慶15周年聯乘海綿寶寶│太空人造型香港限售10隻
由香港人創作嘅MOLLY人偶唔經唔覺誕生15周年，為慶祝大日子，再次與海綿寶寶聯乘推出限量版。今次合作最令人期待係換上太空服嘅MOLLY，全球發售3000隻，全港獲配10隻，激罕！另外兩款人偶，MOLLY戴上海綿寶寶和派星造型頭飾，造型可愛，粉絲不能錯過！
MOLLY形象百變，俘虜無數粉絲心。話說2017年起，MOLLY開始與人氣卡通《海綿寶寶》合作推出聯乘產品，每次均被粉絲搶購一空。既然有咁好往績，今次為慶祝誕生15周年，特別再度與海綿寶寶合作，POP MART特別推出全球限量「MEGA珍藏系列 1000% SPACE MOLLY × 海綿寶寶」，將MOLLY與太空人結合，展現太空人探索時嘅無畏無懼精神。
「MEGA珍藏系列 1000% SPACE MOLLY × 海綿寶寶」將於6月12日正式發售。 $6,099
另外，呢個人偶嘅面罩及手臂均可動，手上嘅太空攝影槍及頭盔亦可以取下，具有豐富可玩性、觀賞性與藝術性。每隻擁有獨一無二嘅限定編號，並且內置NFC晶片，專享獨家手機鑒定功能；盒內收藏卡處帶有MEGA珍藏系列的專用防偽貼彰顯每一隻手辦的限定身份，此款作品全球限量3,000隻，POP MART香港希慎店將獨家限量發售10隻，成功選購嘅粉絲更有機會獲得設計師KENNY WONG現場親筆簽名。
人偶嘅面罩及手臂均可動，手上嘅太空攝影槍及頭盔亦可以取下，具有豐富可玩性。
另外兩款MOLLY與海綿寶寶聯乘嘅人偶，MOLLY分別戴上海綿寶寶和派大星造型嘅頭飾，展示可愛萌爆一面。
「MOLLY × 海綿寶寶- 海綿寶寶BJD（可動人偶）」 $599
「MOLLY × 海綿寶寶- 派大星BJD（可動人偶）」$599
POP MART特別邀請MOLLY設計師KENNY WONG於6月12日（星期六）親臨POP MART希慎店，為所有成功購買到指定MOLLY產品嘅幸運兒親筆簽名及拍照留念，並獲贈限量MOLLY TRAVELLER明信片一套（一套3張）；每個名額最多只可獲得3個簽名，除了當天成功認購嘅MOLLY產品外，獲得名額嘅粉絲們更可選擇帶同私伙珍藏MOLLY產品到場獲得簽名，更有機會獨得「Molly X大久保娃娃侵蝕系列印克手辦」1個。
MOLLY設計師KENNY WONG將在POP MART希慎店舉行簽名會與粉絲見面。
INFO
https://www.facebook.com/Hkpopmart
Text: Josie Yan
你或會有興趣的相關文章：
【飲食情報】即摘即煮微菜苗實踐Farm to Table│炭烤無激素肉類/特色蔬果沙冰
【Shopping情報】潮流衣飾加入保育海洋概念│紮染工作坊教你改造舊衣