【Shopping情報】潮流衣飾加入保育海洋概念│紮染工作坊教你改造舊衣

購物 2021-06-08

環保唔係得把口講，要用行動來支持。荃灣有時尚衣飾精品店有見海洋生態面臨各種危機，與藝術家及保育動物藝術團體合作，既以回收膠樽製成環保裝置，亦特別設計刺繡襟章，更舉辦工作坊，多方面出力向大眾推廣保育海洋意識及可持續發展概念。另外，店舖更精挑加入保育海洋元素嘅潮流衣飾，為想緊貼時尚同時支持環保嘅你提供更多購物選擇。

近年，海洋因過度捕魚、污染、氣候變化等問題，生態受到嚴重破壞。當中，塑膠垃圾對海洋嘅影響不容忽視，據估計每年約有800萬噸塑膠品流入海洋，十萬隻以上海洋生物因被塑膠廢棄物纏繞而死亡。位於荃灣南豐紗廠嘅THE COMMOND GROUND一直關注可持續海洋呢個議題，最近聯乘保育動物藝術團體&dear，用500至600個回收膠樽製作3條每條長1至3米不同品種嘅海豚，放在南豐紗廠店內展示，向公眾宣揚保育意識。

位於荃灣南豐紗廠嘅THE COMMOND GROUND一直關注可持續海洋議題。位於荃灣南豐紗廠嘅THE COMMOND GROUND一直關注可持續海洋議題。

3條以回收塑膠樽組成嘅海豚裝置，放置在南豐紗廠店內展示，向公眾宣揚保育意識。 3條以回收塑膠樽組成嘅海豚裝置，放置在南豐紗廠店內展示，向公眾宣揚保育意識。

另外，THE COMMOND GROUND不時與藝術家合作推出本地主題襟章系列，趁住今次與&dear聯乘，亦邀請其設計3款瀕危海豚嘅特別版刺繡襟章。每賣出一個海豚襟章，THE COMMOND GROUND將捐出1%收益給A Plastic Ocean Foundation，以支持持續保育海洋資源，並希望啟發大眾從源頭減廢。

&dear特別設計3款瀕危海豚嘅特別版刺繡襟章，推廣海洋保育。 &dear特別設計3款瀕危海豚嘅特別版刺繡襟章，推廣海洋保育。

時裝潮流轉得快，成衣被視為污染環境嘅來源之一。THE COMMOND GROUND賣潮流衣飾，但同時著重環境保護。最近與擅於把過季衣物二次創作嘅2nd Closet Design合作，舉辦海洋紮染工作坊，參加者在導指導下把舊衣物進行紮染，為舊衣添上新元素，延續生命。工作坊舉行日期為6月19及20日，每日設兩場，時間分別係下午1時至3時及下午4時半至6時半。每班最多限8人，報名費為$390。