【飲食著數】6月歎深水埗人氣中菜│請你全枱任飲啤酒2小時| likemagazine.com.hk
飲食
【飲食著數】6月歎深水埗人氣中菜│請你全枱任飲啤酒2小時

【飲食著數】6月歎深水埗人氣中菜│請你全枱任飲啤酒2小時

今晚啤啤佢!唔理你因為咩事想飲啤酒賀下佢,只要在今個6月嘅指定星期四及指定時間內,幫襯11間深水埗嘅中菜食肆,人均消費滿$100,全枱即可享2小時免費任飲醇滑嘉士伯。

 

識食之人都知道深水埗有好多中菜小店,撚手小菜出色。天氣熱,一邊食熱辣辣中菜,一邊飲雪到凍嘅啤酒,完美配搭,一生一樂也。今次有份參與醇滑嘉士伯任飲放送活動嘅11間深水埗食肆,包括:新容記小菜王、潮興正宗打冷小菜、大中華飯店、潮爆水煮魚超級雞煲、火滾肥牛海鮮火鍋專門店、新華海鮮飯店、利星海鮮火鍋小炒、天祥飯店、小菜王(福榮街/石硤尾街)、豐鍋雞煲火鍋專門店及大煲皇小廚,間間都係人氣店,小菜夠鑊氣且水準高,絕對係三五知己飯局聚會嘅好選擇。每間人氣食肆招牌小菜多,邊款同醇滑嘉士伯最夾呢?以下有推介。

 

大中華飯店東星酸菜魚大中華飯店東星酸菜魚 $280

選用東星斑,魚肉稔滑,配以奶白色魚骨湯底 ,最後灑上青檸片及莞茜,酸辣和魚鮮完美融合。 

天祥飯店黃金蝦天祥飯店黃金蝦 $208

鹹香惹味嘅黃金蝦係佐酒良伴,蝦殼炸到脆卜卜,連殼都食得,加埋滿滿牛油香嘅蛋黃粒,讓人欲罷不能。 

小菜王(福榮街/石硤尾街) 墨魚餅小菜王(福榮街/石硤尾街) 墨魚餅 $88

墨魚膠每日以新鮮墨魚製成,伴入爽脆蔬菜粒做成墨魚餅,表面炸至金黃,入口外皮香脆,口感彈牙。 

大煲皇小廚濃湯花膠魚翅鍋大煲皇小廚濃湯花膠魚翅鍋 $398

湯底以鮮雞、鮮肉及雞腳等燉煮,再加入金華火腿、元貝、瑤柱等,湯汁金黃,濃香鮮甜。配上份量十足嘅花膠及條條分明嘅魚翅,滿口濃香嘅骨膠原,讓人一試難忘! 

新容記小菜王可樂鵝新容記小菜王可樂鵝 $168/例; $268/半隻;$498/

以可樂秘製而成嘅獨家鹵水汁將整隻鵝鹵製大半天,每口鵝肉完美地吸收可樂獨有嘅香甜味道,鵝肉不油不膩,又不失嫩滑,味道甜得來又很惹味。 

潮爆水煮魚超級雞煲拔絲脆皮咕嚕肉潮爆水煮魚超級雞煲拔絲脆皮咕嚕肉 $158

梅頭肉沾上自家調製炸漿,炸到外皮香脆透薄,內裡豬肉香濃可口,外掛酸甜清新嘅山楂汁,夾起有拔絲效果,睇見口水流。 

利星海鮮火鍋小炒脆脆麗芋卷利星海鮮火鍋小炒脆脆麗芋卷 $92

荔芋軟綿細膩,外皮香脆鬆化,內餡幼滑香軟,甜度恰到好處,讓人一吃上癮。

 

至於今次活動中可以任飲嘅醇滑嘉士伯,都簡單介紹返。啤酒以創新釀造技術製造,易入口,又夠滑。因為釀製成熟期較長,所以氣泡更細緻。另外,使用獨特嘅啤酒花組合,味道更清新,用嚟配味道豐富及更具層次嘅中菜,無論係小炒、打冷、海鮮、雞煲等,都夾到無朋友。

 

醇滑嘉士伯易入口,又夠滑。醇滑嘉士伯易入口,又夠滑。

 

想歎地道撚手中菜,同時免費飲啤酒,著數只限6月!只要在指定3個星期四(6101724)晚上6時至10時,幫襯11間指定深水埗中菜食肆,人均消費滿$100,全枱即可享2小時免費任飲醇滑嘉士伯。溫馨提示,飲酒盡慶,但要理性,酒後唔好揸車。未滿18歲禁止飲酒啊!

 

INFO

https://carlsberghkfoodfes.wixsite.com/carlsberghk

 

Text:  Josie Yan

 

你或會有興趣的相關文章:

【飲食情報】深水埗馳名正宗古早蛋糕│無燶底燶邊糕面堅挺不下陷

【朱古力控召集】中環西班牙蛋糕店大師級出品│爆漿無麩質/三層特濃朱古力蛋糕

相關文章
銅鑼灣南法小餐館│全新春日餐單味蕾輕旅行銅鑼灣南法小餐館│全新春日餐單味蕾輕旅行 【飲食情報】太古城中心新開餃子 專門店│現場人手擀皮隻隻餡料足本【飲食情報】太古城中心新開餃子 專門店│現場人手擀皮隻隻餡料足本 【飲食情報】摩登中菜推10周年三重優惠│沙田乳鴿/焗鮑魚酥/特飲堂食價$10【飲食情報】摩登中菜推10周年三重優惠│沙田乳鴿/焗鮑魚酥/特飲堂食價$10 【飲食情報】中環小清新餐廳融合藝術文化│健康餐飲/手工啤/手沖咖啡【飲食情報】中環小清新餐廳融合藝術文化│健康餐飲/手工啤/手沖咖啡 【飲食情報】旺角「勝面」台灣味新菜式│古法滷水拼盤 / 鴨血米粉 / 炸蝦餅【飲食情報】旺角「勝面」台灣味新菜式│古法滷水拼盤 / 鴨血米粉 / 炸蝦餅 【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋 【飲食情報】筲箕灣新餐廳主打Dirty?│放低儀態體驗messy吃喝【飲食情報】筲箕灣新餐廳主打Dirty?│放低儀態體驗messy吃喝 【飲食情報】尖沙咀凱悅全新法式千層酥│必試!港式奶茶口味【飲食情報】尖沙咀凱悅全新法式千層酥│必試!港式奶茶口味