【朱古力控召集】中環西班牙蛋糕店大師級出品│爆漿無麩質/三層特濃朱古力蛋糕| likemagazine.com.hk
飲食
【朱古力控召集】中環西班牙蛋糕店大師級出品│爆漿無麩質/三層特濃朱古力蛋糕

【朱古力控召集】中環西班牙蛋糕店大師級出品│爆漿無麩質/三層特濃朱古力蛋糕

世事多變,需要一點甜來調劑自我鼓勵?最近西班牙蛋糕店La Vina聯乘西班牙朱古力大師級品牌Casa Cacao,推出兩款衝擊味覺和視覺嘅朱古力蛋糕,以爆漿和三層濃厚朱古力,俘虜喜歡朱古力嘅你,帶來官感新刺激,為枯燥生活添活力。

 

叫得做朱古力控,一般貨色嘅朱古力已經滿足唔到食慾。La Vina最新出品嘅兩款朱古力蛋糕,亮點之一係與名師級聯乘,合作單位係著名米芝蓮三星級餐廳El Celler de Can Roca所有,並由其甜點大師Jordi Roca營運嘅西班牙朱古力品牌Casa Cacao。簡單講句,大師出品,唔止睇得打卡一流,味道都唔會令人失望。

 

第一款係The Perfect Surprise無麩質爆漿朱古力蛋糕。好多甜品愛好者其實有麩質過敏,呢款蛋糕完全唔用麵粉,以Casa CacaoHacienda Victoria Ecuador 68%果香味朱古力、雞蛋和牛油為材料,造出嚟嘅,唔止質感柔軟蓬鬆,味道香甜,無麩質一樣咁美味。呢款蛋糕吸睛位係頂部有如瀑布嘅朱古力爆漿,以Casa Cacao製嘅朱古力鮮奶油和朱古力碎片,朱古力味濃郁澎湃,朱古力控一定要試。

 

The Perfect Surprise 無麩質爆漿朱古⼒蛋糕 $420 / 5”The Perfect Surprise 無麩質爆漿朱古蛋糕 $420 / 5”

 

另一款朱古力蛋糕Bean to Bite屬三層式蛋糕,海綿蛋糕部分用Casa CacaoHacienda Victoria Ecuador 68%朱古力製成,並加入雞蛋、牛油和忌廉等,朱古力味道滿瀉!蛋糕頂綴以薄脆果仁糖,提升食味層次。另外,蛋糕面有閃亮嘅朱古力釉和可食用朱古力豆,一口咬落去,口腔全被朱古力包圍,朱古力控大滿足。

 

Bean to Bite 三層朱古⼒蛋糕 $420 / 5”Bean to Bite 三層朱古蛋糕 $420 / 5”

 

朱古力以外,La Vina同時推出兩款新口味蛋糕:Tiramisu意大利芝士蛋糕及Hojicha Cream Roll焙茶蛋卷。Tiramisu意大利芝士蛋糕材料有意大利軟芝士、雞蛋、忌廉、蜜糖、朱古力等,更特別加入Cupping Room精品咖啡,讓你一口品嚐芝士、咖啡及朱古力融合嘅完美滋味。Hojicha Cream Roll焙茶蛋卷一改傳統做法,以戚風蛋糕取代海綿蛋糕,令蛋糕質感更濕潤鬆軟。配上意大利軟芝士、焙茶、蜜糖等製成嘅忌廉,味道有淡淡蛋香和茶香,甜度適中,更有一點芝士鹹香,試過你就會愛上。

 

Tiramisu意大利芝士蛋糕 $390 / 6”Tiramisu意大利芝士蛋糕 $390 / 6”

Hojicha Cream Roll焙茶蛋卷 $168 / 卷 ;$42/ 件Hojicha Cream Roll焙茶蛋卷 $168 / $42/

 

蛋糕新鮮,味道更佳。La Vina提供即日下單及速遞服務,接到order先開始烘焙,再送到指定地址,全個過過程約24小時。港島地址送遞,買滿$600或以上即免運費。其他地區預訂,可選擇在La Vina中環總店及港九Pop-up Store自取。

 

La Vina提供即日下單及速遞服務,接到order先開始烘焙,保證蛋糕新鮮。La Vina提供即日下單及速遞服務,接到order先開始烘焙,保證蛋糕新鮮。

 

INFO

La Vina總店

地址:中環嘉咸街23 3 號舖Graham St Food Hall

營業時間:早上10 時至 晚上6

電話:9612 0988

 

Text:  Josie Yan

 

 

你或會有興趣的相關文章:

【飲食情報】人氣日系輕食店進駐屯門│高顏值梳乎厘/熱香餅/咖啡

【飲食情報】深水埗馳名正宗古早蛋糕│無燶底燶邊糕面堅挺不下陷

相關文章
【飲食情報】新蒲崗小店六星酒店廚主理│手造意粉麵包打響名堂【飲食情報】新蒲崗小店六星酒店廚主理│手造意粉麵包打響名堂 【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒【飲食情報】豚王櫻祭展出日本大師紙雕│限定美食櫻花拉麵/水玄信餅/櫻花酒 【飲食情報】悉尼人氣越南湯粉店進駐西營盤│30斤牛骨熬湯每日新鮮製【飲食情報】悉尼人氣越南湯粉店進駐西營盤│30斤牛骨熬湯每日新鮮製 【飲食情報】台灣1011SIPTEA聯乘Miffy快閃店│必買!Miffy特飲盲盒杯 / 周邊精品【飲食情報】台灣1011SIPTEA聯乘Miffy快閃店│必買!Miffy特飲盲盒杯 / 周邊精品 【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋 【飲食情報】日本Z’s MENU餸包加熱即食│零廚藝煮出餐廳級美食【飲食情報】日本Z’s MENU餸包加熱即食│零廚藝煮出餐廳級美食 【飲食情報】薄餅名店Amalfitana中環開分店│特製煤氣烤爐焗手工薄餅【飲食情報】薄餅名店Amalfitana中環開分店│特製煤氣烤爐焗手工薄餅 【飲食情報】中環小清新餐廳融合藝術文化│健康餐飲/手工啤/手沖咖啡【飲食情報】中環小清新餐廳融合藝術文化│健康餐飲/手工啤/手沖咖啡