【周末玩樂】樂活博覽及亞洲素食展│選購新款素食體驗健康生活

愈來愈多人為健康加入食素及綠色生活行列，如果你係一份子，想一站搜羅素食及綠色生活用品，又或者心思思想試素食或體驗綠色生活，留意返，6月10至13日在灣仔會展將有「樂活博覽及亞洲素食展2021」，現場將展出近4千種各地嘅素食、純素、天然、有機及綠色生活產品！另外，大會更舉辦各種推廣綠色生活嘅精采活動，如專家分享及DIY工作坊等，助你輕鬆打造健康生活。

樂活博覽及亞洲素食展2021係香港最全面嘅素食、綠色生活、天然及有機產品展覽會。

今年展會有6大亮點，重頭係展示素食產品新潮流。來自世界各地嘅新款素食，包括超級食物、素肉產品、無敏產品、素零食及飲品、純素保健食品等都可以喺會場搵得到，帶來健康又美味嘅味覺新選擇。

展會每年從各地帶來不同嘅素食及天然有機產品。 

Beanie Hong Kong Limited 澳洲即沖免疫粉 – 21種超級食物 (240克)

CHASE SUPERWIN LIMITED 純素奶酪蘸醬

Dragon Soul Limited 陳皮南棗釀

Sabatino Hong Kong Limited 松露創新滋味醬

Veggie Plates 小炮竹(原味麻辣味)

近年綠色生活成為社會熱話，會場將設綠色生活專區，不但提供大量相關資訊，更舉辦十多場綠色講座，由專家、業內人士等分享行山、露營、運動、攝影、食療等秘訣，教你打造健康生活。

會場將舉辦多場綠色生活講座，主題包括行山、單車等。

今年展覽一如既往，會開設多場品味工作坊，內容由手沖咖啡、到炒咖啡豆，以及製作純素朱古力都有，以互動、體驗形式讓大眾探索綠色生活趣味。 

一家大小參與工作坊，度過美好的周末。

近年潮興在家耕種，大會特別開辦工作坊，參加者會利用本港研發優質堆肥「加樂泥」，試試在家種植嘅樂趣，完成後更可將心水盆栽帶回家。

工作坊讓參加者體驗種植樂趣，更可把自製盆栽帶回家。

運動係健康生活不可缺少一環。今年展覽將設專為女性而設嘅Beyond Women Fest特色展區，設多項運動與健身、飲食管理、美容科技、人生規劃等互動體驗。

Beyond Women Fest特色展區設多項運動與健身、飲食管理等體驗。

行完展覽未夠喉？想追加一頓美味素食晚餐？大會與多間餐廳合作，為入場人士提供特別優惠。憑亞洲素食展嘅觀眾指南幫襯，即享指定素食餐廳折扣！

INFO

樂活博覽及亞洲素食展2021

日期：2021年6月10日至13日（星期四至日）

地點：香港會議展覽中心展覽廳3F及3G

時間：2021年6月10日至12日上午11時至晚上8時；6月13日 上午11時至晚上7時

詳情：https://www.tasteofveg.com.hk/

Text:  Josie Yan

Photo: Taste of Veg, Freepik

你或會有興趣的相關文章：

【放假chill下】大館6月起早上8時開放│古蹟群下做瑜伽歎優惠早餐

【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡