【飲食情報】旺角「勝面」台灣味新菜式│古法滷水拼盤 / 鴨血米粉 / 炸蝦餅

一直將台灣「原汁原味」帶來香港嘅「勝面」，除咗招牌「麻辣牛肉麵」誇啦啦外，其他美食都有相當水準。最近推出全新4款新菜式及4款口感茶飲系列，定必為大家味蕾帶來新刺激。

夏天天氣熱，令人無乜胃口。飯餐時間，未必一定要白飯落肚，來一道滷水拼盤，用滷水香氣帶動食慾。勝面最新推出嘅「秘制古法滷水拼盤」，非常足料，內有滷蛋、豬⽿、豬⼤腸、豬頸⾁、⽜腱⼼、雞翼、雞腎，食得滿足。自家製台灣滷水汁用上6種藥材和調味料混合而成，並熬煮6小時，香味濃郁，用來滷肉和肉臟易入味。特別一提係滷水中加入三奈、甘菘和砂仁，分別有散寒去濕、開胃消食嘅功效，好適合炎夏悶熱天氣食用，惹味又健康。

秘制古法滷水拼盤 $68(小) / $88(大)

講起台灣美食，早排好多香港人迷上麻辣鴨血，因為覺得滋補又美味。勝面新品「秘製麻辣鴨血湯米粉」，選用台灣直送鴨血，鴨血含鐵質，具有補血、清熱解毒等功效。湯底用72小時文火慢燉，既有濃厚溫醇嘅牛脂香氣，亦能細味湯中嘅花椒麻香，食味層次豐富。配上細幼米粉，米粉盡吸麻辣嘅精華，同時保持彈牙爽滑。米粉味道辣得過癮，嗜辣嘅一定會喜歡。

秘製麻辣鴨血湯米粉 $42

台灣夜市有一道必食小食叫做月亮蝦餅，勝面將呢道小食帶到香港，變成「不能點的蝦餅」。蝦餅原材料來自台灣，餡料用上原隻大蝦，外層炸得黃金香脆，內裡嘅蝦肉爽口彈牙，絕對係喜歡脆口美食嘅人不能錯過嘅美食。

不能點的蝦餅 $52

在悶熱天氣下，飲湯消暑吧！「台式絲瓜蛤蜊湯」用上新鮮蛤蜊，配上當造嘅絲瓜，煮成一道清新美味嘅解暑湯水。絲瓜除咗營養豐富，亦具有美容價值，含有維他命B雜和C等成分，有助美白肌膚、防止皮膚老化等。

台式絲瓜蛤蜊湯 $28

飲品方面，台灣珍珠奶茶係好飲，但有時想味蕾有啲新刺激。勝面推出4款全新消暑飲品，包括：「爆粒檸檬3 姊妹」、「奶茶3 兄弟」、「芒芒⽢露」及「桂花嬤嬤」，有甜有酸，又有嚼勁，熱辣辣來一杯，透心涼解渴消暑。

爆粒檸檬3 姊妹 $35

奶茶3 兄弟 $36

芒芒甘露 $35

桂花嬤嬤 $35

INFO

勝⾯ Sheng Mian

地址：旺⾓朗豪坊11 樓25-29 號舖

電話：3105 9826

營業時間：中午12時半至晚上10時

Text:  Josie Yan

你或會有興趣的相關文章：

【飲食情報】人氣日系輕食店進駐屯門│高顏值梳乎厘/熱香餅/咖啡

【飲食情報】深水埗馳名正宗古早蛋糕│無燶底燶邊糕面堅挺不下陷