平時大家行開嘅市集，多數賣手作工藝生活用品，但海港城今次瞄準女生扮靚需要，以「純素」、「茶」及「玫瑰」為主題，聯乘10多間本地原創特色小店舉辦全港首個「優活．美麗」概念本地市集Beauty Mart，帶嚟多款主題限定及皇牌產品、健康輕食、生活小物及花藝植物等。購物之餘，仲有Girly鞦韆吊椅俾你打卡。今個周末未搵節目，呢個係目標嗎？
市集的佈置以甜美Girly風格為主，營造既浪漫又愜意的氛圍。
Beauty Mart採用3個現今最流行嘅美容元素為主題──「純素」、「茶」及「玫瑰」，集合逾10間本地原創特色小店，帶來主題限定及皇牌產品、自家製作健康食品和手工精品，讓愛美女生不止靠美容產品獲得美麗，亦注重身心健康，內外散發動人能量。
The Big Things Kitchen主打限定「精進料理」，推介有Natural Spring純素便當及Summer Breeze純素便當，顏色鮮艷味道清新。
The Nutter Company出品嘅純素幼滑花生醬迷你套裝，內有3款口味，包括花生醬、腰果醬、開心果醬。
「椛」精製貝殼微景觀，為空間帶來清新氣息。
ALT+把茶和甜點完美結合，必試鐵觀音巴斯克芝士蛋糕。
Bakieee Bakery出品嘅特濃小山園焙茶巴斯克芝士蛋糕，啖啖茶香配軟綿蛋糕口感。
香江茶園主打玻璃試管花茶套裝，讓人於忙碌的生活中放慢步伐，泡一杯好茶享受片刻的恬靜。
Ketoré主打零罪惡生酮辻利抹茶曲奇，喜歡生酮飲食嘅人終於可以放肆一吃！
Ksquarefood人氣健康食品係低醣綠茶醬，低碳、無添加糖、無麩質、天然食材，為健康飲食者帶來新選擇。
It Blooms!使用倫敦Liberty頂級布料人手製作精品手工布藝，推介有期兩款間限定全新圖案的口罩和頭帶。
mille à faire製作嘅玫瑰花柱形玻璃罩、浮游花瓶觀賞瓶、浮游花室內香薰擴香瓶，留住玫瑰動人一刻。
微笑花舍將玫瑰乾花相架連英文書法帶返家中或送給摯愛作裝飾，永久保存玫瑰。
購物以外，市集亦設有打卡位，粉紅鞦韆吊椅好吸睛！
逛市集不忘打卡，有呢張粉紅鞦韆吊椅，擺個靚post無得輸。
「Wellness Beauty」扭蛋機係場內另一個不可錯過嘅熱點，機內載有海港城30多個美容品牌嘅主題禮品及期間限定優惠，只要在Beauty Mart內即場消費滿$200，即可獲得1次扭蛋機會！另外，只要即場打卡及上載照片至社交平台，同樣有機會參加扭蛋遊戲！
在Beauty Mart內即場消費滿$200，即可獲得1次扭蛋機會！
INFO
海港城Beauty Mart
日期：2021年5月21日至6月20日
時間：中午12時至晚上8時
地點：海港城海運大廈入口大堂
活動詳情：http://www.harbourcity.com.hk/article/beauty-mart-2021/
Text: Josie Yan
你或會有興趣的相關文章：
【飲食情報】筲箕灣新餐廳主打Dirty？│放低儀態體驗messy吃喝
【周末好去處】太古城限時台灣古早味之旅│懷舊場景打卡市集搜購台食