【飲食情報】筲箕灣新餐廳主打Dirty?│放低儀態體驗messy吃喝| likemagazine.com.hk
飲食
【飲食情報】筲箕灣新餐廳主打Dirty?│放低儀態體驗messy吃喝

【飲食情報】筲箕灣新餐廳主打Dirty?│放低儀態體驗messy吃喝

平時出街食飯,阿媽教落要舉止優雅,否則好失禮!但港島區有間餐廳偏偏唱反調,以「Dirty為主題,設計多款帶嚟視覺和味覺衝擊嘅美食,鼓勵大家放低儀態盡情享受,體驗messy大吃大喝嘅快感。

 

近年新餐廳搞形象宣傳多數「恃靚」吸睛,不過最近進駐港島筲箕灣嘅Dirty Skillet則反行其道,以「污糟」吸客。放心,「污糟」唔係指食物質素,而係一種享受美食嘅態度。平時出街食飯,為咗唔好失禮,多數人保持儀態。Dirty Skillet名字背後另有深意,「Get excited to get DIRTY, Eat as messy as you can」,開宗明意叫大家唔使顧儀態,盡情享受面前美食。為讓食客能夠投入無拘束嘅進食氣氛,餐廳特意將室內裝修到好似夢幻馬戲團,並加入美國街頭歌舞及歐美街頭復古風格,務求製造有趣氛圍,令人可輕鬆享受餐膳。

 

室內裝潢既有復古feel又有街頭風。室內裝潢既有復古feel又有街頭風。

餐廳特設旋轉木馬用餐卡座,令人感覺像置身遊樂場,心情放鬆。餐廳特設旋轉木馬用餐卡座,令人感覺像置身遊樂場,心情放鬆。

坐在窗邊卡座既可觀賞到城市繁華一面。坐在窗邊卡座既可觀賞到城市繁華一面。

 

菜式方面,Dirty Skillet亦貫徹Dirty主題,賣相具美感同時帶有messy風格,帶來視覺及味覺衝擊!必試有Dirty Pizza,共有7款口味,芝士洋蔥餡餅令人最有衝動唔理儀態將佢吞落肚!Pizza以車打芝士及莫薩里拉芝士為材料,餅面及餅底分開焗製,製作繁複。 廚師先以芝士等材料製作餅底麵皮,然後再配上洋蔥芝士及其他餡料釀在其中,最後再製表層嘅芝士外皮。Pizza出爐時,芝味香濃,令人食慾大增,享用時更能充分感受到「邪惡芝士拉絲」嘅視覺效果。

 

芝士洋蔥餡餅Dirty Pizza 能夠做出「邪惡芝士拉絲」,最叫人回味。$198芝士洋蔥餡餅Dirty Pizza 能夠做出「邪惡芝士拉絲」,最叫人回味。$198

所有Pizza均為手搓薄餅,薄餅筋性十足,柔韌美味。所有Pizza均為手搓薄餅,薄餅筋性十足,柔韌美味。

 

另一款富有「髒髒」感嘅美食係新奧爾良Shake Shake 海鮮袋。袋入面裝有龍蝦尾、蝦、凡立貝、蜆、青口、西班牙風腸、粟米及薯仔,全部食材預筅用海鮮湯烹煮過,本身已吸有海鮮精華,然後加入香辣粉,紅椒粉、西班牙香腸混合香料及秘製醬汁Shake Shake,令味道更特別突出!

 

享用新奧爾良Shake Shake 海鮮袋內海鮮後意猶未盡,可以另加意粉,完美品嚐美味嘅海鮮醬汁。$398享用新奧爾良Shake Shake 海鮮袋內海鮮後意猶未盡,可以另加意粉,完美品嚐美味嘅海鮮醬汁。$398

 

Dirty Skillet主打西餐,漢堡係人氣單點之一。Dirty Burger材料包括:熔岩芝士、煎蛋、牛肉漢堡、焦糖洋蔥、煙肉及薯條,非常大堆頭,擺到滿瀉咁款。食呢個burger,咪使旨意可以優雅咁歎!豁出去,大啖咬落去,整到成面係汁先係爽!

 

Dirty Burger賣相令人好想不顧一切一啖咬落去。$130Dirty Burger賣相令人好想不顧一切一啖咬落去。$130

 

除咗食物賣相夠「Dirty」,啱晒打卡外,多款特色飲料在賣相上都力圖「Dirty」。Dirty Drinks滿到瀉嘅賣相,令人好有立即征服嘅慾望。飲料不計成本採用新鮮生果,包括如紅菜頭、士多啤梨、芒果、熱情果,絕不用糖漿扮甜,以天然甜味取悅你。另外,糖果風奶昔即叫即整,唔止賣相夢幻,飲起嚟有一粒粒果籽口感,好特別!

 

Dirty Drinks有多款口味選擇,包括:抺茶、朱古力、咖啡、紫薯。Dirty Drinks有多款口味選擇,包括:抺茶、朱古力、咖啡、紫薯。

糖果風奶昔口味包括:香蕉芒果、椰子熱情果及藍莓芝士蛋糕。糖果風奶昔口味包括:香蕉芒果、椰子熱情果及藍莓芝士蛋糕。

 

 

INFO

Dirty Skillet

地址:筲箕灣形薈地下G12號舖

電話:2827 0003

營業時間:星期一至五上午11時半至晚上11時半;星期六上午10時半至晚上11時半;星期日早上10時半至晚上10時半

 

Text:  Josie Yan

 

 

你或會有興趣的相關文章:

【飲食情報】人氣日系輕食店進駐屯門│高顏值梳乎厘/熱香餅/咖啡

【飲食情報】京都昭和風喫茶店旺角開店│日本直送焙煎咖啡豆製虹吸咖啡

相關文章
【嚟呢度搵食】灣仔街頭品嚐南意小食│煎麵餅 / 炸pizza / 紙筒炸沙甸魚【嚟呢度搵食】灣仔街頭品嚐南意小食│煎麵餅 / 炸pizza / 紙筒炸沙甸魚 【美食推介】唔話你知點估到係素食?│中環Miss Lee潮食新派中式素菜【美食推介】唔話你知點估到係素食?│中環Miss Lee潮食新派中式素菜 【飲食情報】IG人氣日式卷蛋店觀塘開店│必試限定口味日本玄米茶奶蓋卷蛋【飲食情報】IG人氣日式卷蛋店觀塘開店│必試限定口味日本玄米茶奶蓋卷蛋 【搵食去呢度】佐敦4千呎摩登居酒屋│和洋食‧日式串燒‧精品手工咖啡 【搵食去呢度】佐敦4千呎摩登居酒屋│和洋食‧日式串燒‧精品手工咖啡 【相機先食】尖沙咀K11期間限定MiFFY Cafe│甜點三層架 / 特色蛋糕 / 雪糕乳酪【相機先食】尖沙咀K11期間限定MiFFY Cafe│甜點三層架 / 特色蛋糕 / 雪糕乳酪 【飲食情報】女大學生創作威靈頓牛柳月餅│自家氣炸或烤焗10分鐘食得【飲食情報】女大學生創作威靈頓牛柳月餅│自家氣炸或烤焗10分鐘食得 【飲食情報】海港城人氣咖啡店限定甜點│Gelato Sando外熱內冷刺激味覺【飲食情報】海港城人氣咖啡店限定甜點│Gelato Sando外熱內冷刺激味覺 【飲食情報】一幻拉麵荃灣開第5分店│開幕一連5日拉麵買一送一【飲食情報】一幻拉麵荃灣開第5分店│開幕一連5日拉麵買一送一