【飲食情報】京都昭和風喫茶店旺角開店│日本直送焙煎咖啡豆製虹吸咖啡

創立於1970年嘅日本京都昭和喫茶店Sonia Coffee最近登陸香港，在旺MOKO新世紀廣場開設全球首間海外分店。呢間店以自家焙煎嘅咖啡豆及虹吸咖啡而聞名，喫茶良伴原味鬆餅更係招牌必食；另外，每日限量供應嘅焦糖吉士布丁及多款自家製甜品都非常吸引。置身布置如昭和年代嘅喫茶店中，讓人細味日式復古情懷。

Sonia Coffee創立於1970年，係日本京都著名嘅昭和風喫茶店。

開業逾半世紀的Sonia Coffee，非常重視咖啡嘅品質及技術，創辦人長谷川先生一直努力鑽研咖啡技術及知識。Sonia  Coffee首間海外分店堅持使用日本直送自家焙煎嘅優質咖啡豆，呈現長谷川家族嘅咖啡原味；也提供虹吸咖啡，沖煮出清爽口感帶回甘嘅醇香咖啡。

虹吸咖啡與其他咖啡沖煮方式相比，咖啡萃取嘅時間雖然較短，卻在沖煮過程讓咖啡豆持續加熱並以對流方式浸泡，更能引發出咖啡嘅濃厚味道。

Sonia Coffee店員會把虹吸咖啡壺提到客人面前，為客人將咖啡倒進自選嘅咖啡杯具，讓顧客體驗日本地道式招待。

Sonia Coffee會不定期供應各款虹吸咖啡選擇，為客人帶來驚喜。

Sonia Coffee更特別從日本及世界各地搜羅別具特色嘅咖啡杯，客人點選任何虹吸咖啡或其他熱飲配任何食物均可以自選咖啡杯嘅款色，享受個性化嘅喫茶體驗。

來喫茶店歎咖啡之餘，亦唔好錯過呢間店嘅特色甜品。原味鬆餅係招牌作，採用上等優質蜂蜜、日本麵粉、新鮮雞蛋及楓糖漿，人手製作，即叫即製，慢火烤烘。端上枱時，散發陣陣蛋香，令人難以抗拒。另一款必食甜品係焦糖吉士布丁，香甜得來，口感非常嫩滑，一試難忘。忌廉焦糖吉士布丁係香港店限定，每日限量供應。

原味鬆餅係招牌必試。

忌廉焦糖吉士布丁係香港店限定，每日限量供應。

除了兩款必食嘅經典甜品外，Sonia Coffee其化甜品款式都值得一試，如梳乎厘芝士蛋糕及和栗磅蛋糕等，滿足不同味蕾嘅需求。除此之外，一系列輕食選擇，包括全日早餐、各式吐司及意粉等等都別具特色。

栗磅蛋糕

糖心蛋沙律吐司

夏日炎炎，Sonia Coffee香港店更提供一系列手調咖啡及特式飲品「昭和雪糕梳打」，共有3款口味：巨峰葡萄、白桃及甘王草莓選擇。

「昭和雪糕梳打」共有3款口味。

INFO

Sonia Coffee

地址： 旺角新世紀廣場MTR層M52號鋪

營業時間：早上8時至晚上10時

查詢：2398 8835

Text:  Josie Yan

你或會有興趣的相關文章：

【飲食情報】人氣日系輕食店進駐屯門│高顏值梳乎厘/熱香餅/咖啡

【飲食情報】人氣泰茶店中環開新店│必試香港限定泰國奶茶沙冰