泰茶店Cha TraMue又開分店，今次落戶在中環。新店除咗延續品牌原有特色外，更率先推出香港限定泰國奶茶沙冰，在炎炎夏日為大家送上既冰涼又濃郁嘅醇厚茶飲。
泰茶店Cha TraMue已先後在銅鑼灣、尖沙咀、將軍澳及葵芳開店，今次選址中環，為喺呢區返工或出沒嘅人帶來消暑又醒神嘅飲品！店內所有原材料包括茶葉、咖啡豆、蜂蜜等，均由泰國直接入口，而且選用泰國老牌茶葉，即叫即沖，保證讓香港人品嚐到正宗泰國奶茶風味。
泰茶店Cha TraMue在中環開設新店。
ChaTraMue所有原材料均由泰國直接入口，包括茶葉、咖啡豆、蜂蜜等，並選用泰國老牌茶葉，即叫即沖。
Cha TraMue又稱「手標茶」，別名由來因為商標上有隻豎起手指公嘅手。呢個品牌在1945年開業，至今已有70多年，在泰國當地係街知芭聞嘅國民名牌。泰國奶茶風味獨特，首先茶葉選用阿薩姆茶種，沖泡出嚟嘅茶膽味道偏濃帶甜；而且泰國奶茶在沖調時要用整杯冰調配，所以不能少甜少冰。冰塊在炎炎天氣裡慢慢融化，並和奶茶融合，奶茶濃度和冰度剛好，泰國奶茶美味秘密就在此。
中環新店邀請到新晉男神魏浚笙Jeffrey擔任星級店長，示範調配招牌茶飲。
中環新店更率先推出香港限定泰國奶茶沙冰。幼細沙冰底注入濃而不澀又帶香草味嘅泰國紅茶，綿密口感，加上濃郁茶香，一試難忘。
香港限定泰國奶茶沙冰
除新品沙冰外，人氣飲品如招牌「正宗泰國奶茶」、一向大受歡迎嘅「泰國荔枝綠茶」和採用泰國自家農場種植Arabica咖啡豆嘅「泰國咖啡系列」等，喺中環新店都可以歎得到。
正宗泰國奶茶
如想在家中都品嚐到地道泰國茶飲，大家仲可以買罐茶葉返去自己沖！喺呢度教大家自製「泰國蜂蜜烏龍茶」嘅方法。首先準備攝氏100度熱水，然將Cha TraMue烏龍茶包放入杯內，加熱開水，稍等10秒，讓茶味釋放。待茶稍涼後，按個人口味加入蜜糖調味。
在家自製「泰國蜂蜜烏龍茶」，方法簡單。
INFO
ChaTraMue中環新店：
地址：中環皇后大道中100號 （100QRC）地下A號舖
營業時間：星期一至五上午8時至晚上9時半；星期六及日上午11時至晚上9時半
Text: Josie Yan
你或會有興趣的相關文章：
【飲食情報】人氣日系輕食店進駐屯門│高顏值梳乎厘/熱香餅/咖啡
【飲食情報】尖沙咀18道OMAKASE唔使1千元│5月必試限定活紫海膽套餐