【周末好去處】太古城限時台灣古早味之旅│懷舊場景打卡市集搜購台食

近來病毒出現變種，疫情未退，出遊仲要等等。最近太古城中心有個台灣古早市集，現場除咗有過千種台灣食品及生活好物，仲復刻大台灣經典懷舊場景，俾大家盡情打卡，讓大家身處香港都能瞬間走一趟限時嘅台灣古早味之旅。

由太古城中心聯同誠品書店及誠品策劃嘅《古早味，呷飽沒？》，在2021年5月14日至6月20日期間，商場變身成五、六十年代嘅台灣老街及市集，懷舊冰菓店、理髮店、柑仔店及照相館重現眼前，讓人回味昔日簡單滿足嘅快樂時光。

商場變身成五、六十年代嘅台灣老街及市集，讓人回味昔日簡單滿足嘅快樂時光。

台灣係一個鐵道小島，今趙輕旅行不如就由鐵路候車站開始。先打卡為旅程展開序幕。

懷舊冰菓店係台灣40至80年代獨有嘅平民餐飲空間。當年手搖茶店、咖啡店未出現，普羅大眾喜歡去凍菓店食刨冰、飲汽水，消暑和消磨時光。

充滿台灣50至60年代特色嘅家庭理髮店，內裡嘅吹風機、理髮椅、暖水壼等都道具都係工作人員特別搜羅，希望大家感受到當年嘅情懷。

柑仔店係台灣小朋友嘅聚腳店，店內除賣雜貨外，更有小朋友最愛嘅零食、糖果及玩具。

在數碼相機出現前，在重大節慶或大喜日子，平民大眾會去照相館影相留念。

好多人喜歡去台灣旅遊，其中一個原因係難忘當地美食。疫情關係，好一段日子無飛台灣，好掛住台灣美食嘅你，嚟古早市集逛逛，可以同時滿足你購物慾及食慾。現場有逾千件100%台灣直送嘅原材食品，包括調味品、拌麵、零食、涼果及拌手禮。

古早市集有逾千件100%台灣直送嘅原材食品。

多款台灣拌麵選擇，滿足不同口味要求。在台灣獲得不錯口碑，由名廚詹姆士主理嘅「詹麵」，呢度都買得到。

疫情令很多人多咗入廚，呢度有各式台灣調味品，讓你發揮廚藝細胞。部分調味品更係素食，市面較少買到。

台灣涼果、水果片乾等是辦公室零食之選。

未能親身到台灣搜購拌手禮，呢度有多款，而且係台灣人都讚好嘅產品。

「源祖之味」古早蛋糕店帶來質感嫩滑綿密且濕潤感高嘅蛋糕，全人手製作，每一口都有濃郁蛋香。場內加入「書配菜」元素，把書與美食連接起來，讓有興趣深入探索美食背後嘅文化、特色等嘅你，輕鬆展開知味旅程。

美食之外，現場仲有逾300件全新引進嘅生活選品限時獨家發售。台灣兩大文創品牌「來好」及「木子創意」更首次登場誠品。

「來好」以復古窗花為主題設計生活用品、創意小物、紀念品。

「木子創意」以台灣懷舊印象設計成不同產品，讓生活充滿時光味道。

INFO

《古早味，呷飽沒？》活動

地址：太古城中心二樓中庭及中橋

日期：2021年5月14日至6月20日

Text:  Josie Yan

你或會有興趣的相關文章：

【飲食情報】太古城中心新開餃子 專門店│現場人手擀皮隻隻餡料足本

【飲食推介】荃灣新登場美式小店│創意配搭brunch全天候供應