美孚人氣輕食店Phi Coffee & Pancake，開業半年後在屯門市廣場開分店。新店貫徹清新簡約風，除咗以招牌日式梳乎厘pancake招客外，仲有多款全新打卡甜點、特色輕食及高顏值咖啡。新店開張期間，咖啡更有買1送1優惠，外賣和堂食都得。
去年9月，Phi Coffee & Pancake在美孚首次開店，憑住簡約時尚裝潢，加上口感非常軟綿嘅招牌日式乎厘，火速成為打卡熱點。為吸納唔同地區嘅粉絲，Phi Coffee & Pancake將於5月14日在屯門市廣場開設新分店。新店除咗貫徹清新簡約風格外，裝潢布置更注入嶄新秋意概念，配以仿秋葉植物點綴 ，營造舒適 悠閒感覺，讓人好好放鬆，享受慢活時光。
Phi Coffee & Pancake屯門新店將於5月14日開幕。
新店環境very nice，食品依舊在食味和視覺上得到享受。招牌日式梳乎厘pancake係呢間店嘅必食之選，人手打泡忌廉，配合完美黃金比例的雞蛋、麵粉及牛奶，梳乎厘Pancake空氣感十足，口感超軟綿，令人有滿滿幸福感！梳乎厘pancake有4款口味選擇，喜歡濃郁蛋香可選原味；喜歡色彩繽紛嘅可選朱古力、榛子和雜莓味。另外，新店更 增設 高顏值蛋糕系列，賣相小巧精緻，絕對能滿足大家的少女心！
招牌日式梳乎厘pancake空氣感十足，口感超軟綿。
雜莓日式梳乎厘pancake，色香俱全。
甜食之外，新店提供多款輕食，包括：熱香餅、沙律、意粉、法式多士及三文治等。推介有「卡邦尼意粉」，黃金比例蛋黃配上香煎煙肉，以及濃郁嘅芝士，試過忘不了。「黑松露炒蛋配巴馬火腿熱香餅」亦要一試，巴馬火腿用大火煎得香脆，半熟炒蛋拌以香氣芳郁嘅黑松露，加埋熱辣辣嘅熱香餅，顏值高又飽肚。
卡邦尼意粉試過翻尋味。
黑松露炒蛋配巴馬火腿熱香餅顏值高又飽肚。
美食當前，配埋一杯靚咖啡，享受更加圓滿。Phi Coffee & Pancake特別引入被喻咖啡師喻為「黃金咖啡機」嘅DALLA CORTE Zero，用來沖泡咖啡。呢部咖啡機嘅特點係可人手拉桿調控咖啡流速，把任何風味嘅 咖啡都能夠發揮得淋漓盡致。
Phi Coffee & Pancake輕食出色外，咖啡都有一定水準。
Phi Coffee & Pancake提供多款不同咖啡，滿足唔同咖啡嘅愛好者，當中包括：經典鮮奶咖啡、手沖咖啡及短笛咖啡等 。數到高顏值、屬IGable級嘅，必選提拉米蘇咖啡，既保留咖啡嘅神韻，又有外觀上嘅美感，令人未飲已興奮。
提拉米蘇咖啡，既保留咖啡嘅神韻，又有外觀上嘅美感。
店內亦有多款溫性及寒性茶葉， 包括：2018 年香港茶展得獎 「 湖南茯茶 」、來自潮州鳳凰山嘅 有機樹「 潮州單叢 」、甘香清甜嘅日本煎茶，滿足不同嘅需求。
新店開幕有慶祝優惠，2021年5月14至16 日 期間，凡於屯門市廣分店買 1 杯咖啡，即可享買1送1優惠，與好友分享咖啡 ，全日堂食及外賣都適用。
INFO
Phi Coffee & Pancake
地址：屯門屯順街 1 號屯門市廣場 1 期 3 樓 Kiosk
Text: Josie Yan
你或會有興趣的相關文章：
【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋
【飲食情報】西環高質咖啡小店升級進駐上環│朝聖必試$180 Ninety plus