【飲食情報】中環$480歎6道西班牙菜│烤羊腿/鵪鶉鵝肝/燉牛肚辣腸鍋

飲食 2021-05-10

好多人認識嘅西班牙菜只有Paella、乳豬、火腿和Tapas等，但西班牙菜又點止單調？位於中環嘅Ole西班牙餐廳，最近推出集合多道來自西班牙中部菜式嘅菜單，每位$480，就可享用6道罕有西班牙中部菜式，足不出戶，用味覺來一趟意想不到嘅西班牙尋味旅行。

Ole西班牙餐廳屹立中環23年，主打正宗西班牙地道菜式，出品水準高質見稱。西班牙美食多，而且不同地區因應環境、氣候變化、歷史背景、盛產物等各有獨特菜式，然而港人因認知不足，歎西班牙菜只識叫Paella、乳豬、火腿和Tapas等。兩位西班牙籍總廚Antonio Martin 和 Jesus Pascual於是合力打造地區主題西班牙菜單，把地道西班牙菜帶給香港人。

Ole西班牙餐廳屹立中環23年，主打正宗西班牙地道菜式。 Ole西班牙餐廳屹立中環23年，主打正宗西班牙地道菜式。

Ole西班牙餐廳西班牙籍總廚Antonio Martin (左)和 Jesus Pascual Ole西班牙餐廳西班牙籍總廚Antonio Martin (左)和 Jesus Pascual

繼上一回推出西班牙南部安達盧西亞菜單之後，兩人最近再下一城，推出集合多道西班牙中部卡斯蒂利亞地區 (Castilla) 及首都馬德里地方菜式嘅菜單。每位只需$480就能享用到6道罕有嘅西班牙中部菜式。

每位只需$480就能享用到6道罕有嘅西班牙中部菜式。每位只需$480就能享用到6道罕有嘅西班牙中部菜式。

前菜共有4道，各有特色。Cecina西班牙風乾牛肉應該比較多人認識。Cecina係西班牙傳統嘅風乾肉，以Castilla Y Leon里昂地區較為有名，做法眾多，而且可以用牛肉、鹿肉和馬肉等製成。主廚就選用出產自里昂嘅風乾牛肉，配上火箭菜，芝士和杏仁片作點綴。

Cecina西班牙風乾牛肉 Cecina西班牙風乾牛肉

Tigres傳統炸青口睇落好普通，但製法不簡單。呢個菜係首都馬德里非常傳統嘅菜式，廚師先將青口肉從青口殼中取出，然後切成小顆，再與用了洋蔥、牛奶、香料、紅椒粉和麵粉烹製而成嘅Béchamel汁一起煮成糊狀。完成後再把含有粒粒青口肉嘅漿糊釀入青口殼中，沾上蛋漿和麵粉再連同青口殼一起油炸至外皮香脆。工夫繁多，製作需時，但滋味卻意想不到。

Tigres傳統炸青口 Tigres傳統炸青口

炸魷魚係馬德里常見嘅菜式。大廚先將魷魚沾上新鮮雞蛋醬，然後將魷魚炸至金黃色。進食前可以在魷魚擠上檸檬汁，再沾店內自家調製嘅蒜蓉蛋黃醬一起享用。

馬德里炸魷魚

喜歡濃郁牛味嘅，要細意品嚐Callos燉牛肚辣腸鍋。燉牛肚係非常傳統嘅馬德里菜式，呢道菜選用牛肚、辣肉腸、紅椒粉、洋蔥、蕃茄和蒜頭等食材，牛味濃郁。配上厚麵包，便可以盡享每滴濃郁嘅醬汁精華。

Callos燉牛肚辣腸鍋 Callos燉牛肚辣腸鍋

主菜共有4款選擇，食客挑選當中1款。想歎到啖啖肉嘅美味，可以一試塞哥維亞式烤羊腿肉。呢道菜以塞哥維亞嘅傳統方式炮製，只用鹽、水和胡椒作簡單醃味，然後慢火烤焗3小時，羊肉真正味道原原本本地呈現出來。

塞哥維亞式烤羊腿肉

Castilla - La Mancha地區除咗盛產Manchego芝士之外，呢個燉菜鍋都係La Mancha地區嘅代表菜式。燈籠椒、茄子、翠玉瓜和番茄同煮，然後面層配上煎蛋。主廚特意將菜式改用水煮蛋和加入48個月伊比利亞火腿，提升美味。

Pisto Manchego燉菜鍋配48個月伊比利亞火腿及流心蛋 Pisto Manchego燉菜鍋配48個月伊比利亞火腿及流心蛋

西班牙扁豆鍋配鵪鶉及鵝肝係一道非常傳統嘅西班牙菜。傳統上，扁豆鍋會用月桂葉、辣肉腸、洋蔥、蒜頭等一起烹調，但主廚把食材稍作提升，用咗香煎嘅鵝肝代替辣肉腸，以及加入法國鵪鶉一同煮，風味更獨特。

Pisto Manchego燉菜鍋配48個月伊比利亞火腿及流心蛋西班牙扁豆鍋配鵪鶉及鵝肝

Pavía馬德里焗鱈魚配藏紅花製作醬汁將傳統嘅炸鱈魚柳小食(Pavías de Bacalao)重新演繹，既變成一道主菜，但保持住Castilla地區嘅傳統烹調技術和味道。主廚先將鮮蝦塞入新鮮鱈魚扒中，再用紅酒和橄欖油烤焗。另外，主廚用La Mancha出產嘅藏紅花製成醬汁，醬汁呈金黃色，色澤很搶眼。

Pisto Manchego燉菜鍋配48個月伊比利亞火腿及流心蛋 Pavía馬德里焗鱈魚配藏紅花製作醬汁