【健康Tips】夏天雨季來拒絕人蚊大戰│小編實測5種天然驅蚊法點評| likemagazine.com.hk
健康及美妝
【健康Tips】夏天雨季來拒絕人蚊大戰│小編實測5種天然驅蚊法點評

【健康Tips】夏天雨季來拒絕人蚊大戰│小編實測5種天然驅蚊法點評

最近多雨,蚊特別多,大家有無中伏?廣東深圳有一名男網友因為被蚊折磨到瞓唔到覺,佢忽發奇想,將打死嘅蚊製成標本,顯示人蚊大戰嘅戰績。夏天雨水多蚊都多,唔想被蚊咬,驅蚊妙法你要知!市面上有各種驅蚊產品,不過當中含有大量化學成份,多用不利健康。驅蚊堅持用天然方法,邊種work?根據小編個人經驗,有以下結論。

 

燒柚子皮乾

掂!非常掂!一點著柚子皮乾,煙到地方蚊即閃。唯一缺點係柚皮點著後,煙比較濃烈,而且陣味幾強,必要保持通風,而且不宜太長時間,否則外人誤會你屋企著火。

 

柚子皮乾製法很簡單,就係將食剩嘅柚皮曬到乾透或放入焗爐烘乾。用太陽曬方法較好,但時間要耐啲。用焗爐嘅話必要小心火力控制,太熱柚皮會燒著變燶。

 

柚子皮乾

 

燒艾草

同樣好work,不過艾草陣味唔係人人鍾意或頂得順。坊間有現成嘅艾草蚊香賣,自製都好簡單!材料有艾絨和綿紙。先把綿紙捲成筒狀,將其中一端扭緊,然後在筒內放入艾絨,可用免洗筷子將艾絨整得緊實,填滿綿紙筒後,將封口扭實完成。

 

艾草

 

種防蚊植物

具有驅蚊作用嘅植物都散發強烈香氣,例如薄荷、天竺葵、香茅、艾草等。種植物可同時綠化家居,一舉兩得。但驅蚊效果只係一般,如果忽略清理盆底積水,反而更惹蚊。

 

驅蚊植物

 

搽精油

塗搽薰衣草精油、天竺葵精油、檸檬草精油、薄荷精油、廣藿香精油等都有驅蚊作用,不過小編覺得效果一般,多數人接受呢種方法,只不過精油陣味幾醒神,搽咗驅蚊又當香薰用。但住在郊區,呢啲精油唔係好保護到你。

 

精油

 

木夾浸花露水放風口

小編曾經睇過一篇舊新聞,黃大仙區浸信會天虹小學曾以木夾浸花露水夾喺冷氣機風口嚟驅蚊。花露水因含驅蚊脂,對防蚊有一定作用,而且散發陣陣清淡花香,非常怡人。就算天氣未熱到要開冷氣,用同一招可以將木夾夾喺風扇,一樣發揮驅蚊和令室內飄香之效。但要留意花露水主要成分係乙醇,屬易燃物品,而且燃點非常低。如在屋內噴灑,記住切勿在火種附近噴。如果噴咗喺身,亦唔好立即去廚房煮飯,要等一陣酒精散咗先。

 

花露水

 

Text:  Josie Yan

 

 

你或會有興趣的相關文章:

【飲食情報】太古城中心新開餃子 專門店│現場人手擀皮隻隻餡料足本

【飲食情報】西環高質咖啡小店升級進駐上環│朝聖必試$180 Ninety plus

相關文章
美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗 【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞 【小編試用報告】每次經期痛到變蝦米│調經油按摩行氣活血減痛【小編試用報告】每次經期痛到變蝦米│調經油按摩行氣活血減痛 【小編試用報告】韓國首創1+2混合配方│自製個人專屬洗髮露【小編試用報告】韓國首創1+2混合配方│自製個人專屬洗髮露 【日本人氣】長期失眠不利心理及生理健康│優睡素改善睡眠質量瞓得好【日本人氣】長期失眠不利心理及生理健康│優睡素改善睡眠質量瞓得好