飲咖啡除咗有提神作用外，香濃味道更能慰藉心靈。位於上環嘅BLUEBIRD COFFEE特意選取藍色作為咖啡店嘅主調，既以優質香濃咖啡嘅香氣為食客打氣，亦利用藍色給人嘅舒泰幸福感，調劑繁忙都市人嘅躁動心靈。
BLUEBIRD COFFEE原本係西環一間只有十多個座位嘅咖啡小店，但憑著高品質嘅咖啡，得到咖啡迷嘅支持。新店落戶在上環，樓高兩層，面積更大更寬闊，而且添置靠背沙發、露天位置，以及增設大型咕𠱸靠墊區，讓食客在放鬆舒適嘅環境下享受咖啡。
新店落戶在上環，樓高兩層，面積更大更寬闊。
店內以藍色為主調，帶來幸福感覺。
咖啡店主角始終係咖啡。BLUEBIRD COFFEE店主一直視咖啡為藝術，對每個細節都非常認真，同時因為執著，致使出品嘅咖啡一直維持高品質，令人回味。
BLUEBIRD COFFEE專注沖泡咖啡嘅每個細節，高品質咖啡得到食客支持。
選豆方面，店內固定提供7款來自不同產地嘅咖啡豆，包括：有堅果焦糖香味嘅Cobalt、餘韻帶莓味及黑朱古力味嘅Tyrian、富花香柑橘茶香嘅Ethiopia、深沉略帶雜莓果味嘅Kenya、滲出桃花果香味嘅Nicaragua、隱含熱帶草莓酒香嘅Colombia，以及濃郁花香及熱帶蜂蜜味嘅Honduras。咖啡豆分類為Regular Beans及Premium Bean，店方會詳列每款咖啡豆嘅資料，包括產區及農場、品種、海拔、處理及烘焙方法。如果食客鍾意某一款咖啡豆，可以拎起小牌，方便咖啡師日後調配專屬口味。
虹吸式咖啡Regular Beans 每杯$42/ $49/ $56；Premium Bean每杯$58/ $65/ $72
Dirty採用House Blend咖啡豆，可以品嚐出BLUEBIRD COFFEE咖啡師嘅品味哲學。$39/ $46 / $53
優質咖啡豆沖泡出嚟嘅咖啡，有著獨特嘅味道及香氣。若果你都咖啡豆嘅身世非常挑剔和有要求嘅話，必要試試BLUEBIRD COFFEE嘅鎮店之寶Ninety plus。Ninety plus係國際享負盛名嘅咖啡豆生產及銷售商，以提供稀有和獨特咖啡生豆而聞名世界。BLUEBIRD COFFEE咖啡師尋訪不同烘焙師，找出認為係品質最好嘅咖啡豆。
BLUEBIRD COFFEE使用嘅Ninety plus（及其他貴價）咖啡豆，進貨需視乎季節及出產等因素，而且咖啡師十分重視咖啡豆嘅新鮮度，手沖咖啡豆養豆7天，至於意式咖啡則為14天，超過品味期限的便會直接丟棄，以保證每杯咖啡能維持最佳品質。所以，食客每一次在BLUEBIRD COFFEE遇上嘅Ninety plus，除咗係藝術級嘅味覺享受，亦係一種味道上嘅緣分。
Ninety plus係咖啡師嘅精心之作，選用品質最好嘅咖啡豆，以手沖式沖調，每杯都獨一無二。$180
咖啡係好多人日間嘅良伴，到咗夜晚，BLUEBIRD COFFEE則提供Cocktail Menu，把咖啡和酒巧妙結合，給食客味蕾換個新伴。
Irish Coffee以愛爾蘭威士忌及咖啡調製而成。$98
Espresso Martini咖啡味較濃、易入口。$108
Tia Flat White Russian奶味香濃，入口順滑。$88
若果話BLUEBIRD COFFEE嘅主角係咖啡，甜品就係呢間店嘅最佳配角。由於店主係一位甜品師，甜品水準之高，從食客嘅回頭率可見一斑。
Strawberry Mango Cheesecake係必試之選，生果清新酸甜，配以濃厚芝士，味道平衡。$98
Chocolate Fondant with House Blend Affogato係甜品控至愛，食一啖朱古力心太軟，再呷一口香濃嘅意式espresso咖啡，把朱古力濃香發揮得淋漓盡致。
Matcha Red Bean Mousse Cake with Panna Cotta和風味濃，抹茶紅豆蛋糕甜度剛好。
值得一提，BLUEBIRD COFFEE嘅戶外區係寵物友善區，設有狗狗Parking區域，愛犬之人與狗狗同行，可以舒適自在咁歎咖啡。狗主人更可以向櫃枱員工免費領取1杯Puppychino，即係不含糖嘅鮮忌廉，讓狗狗一起體驗咖啡杯中嘅好滋味！
狗主人可向櫃枱員工免費領取1杯Puppychino，與狗狗共享咖啡時光。
INFO
BLUEBIRD COFFEE
地址：上環干諾道中128號豫泰商業大廈地下及閣樓
電話：9172 5449
營業時間：星期一至日上午7時半至晚上10時
Text: Josie Yan
你或會有興趣的相關文章：
【飲食情報】太古城中心新開餃子 專門店│現場人手擀皮隻隻餡料足本
【飲食推介】荃灣新登場美式小店│創意配搭brunch全天候供應