【疫後出遊計劃】一生人旅遊清單必賞極光│塔斯曼尼亞南極光全年都有| likemagazine.com.hk
Travel
【疫後出遊計劃】一生人旅遊清單必賞極光│塔斯曼尼亞南極光全年都有

【疫後出遊計劃】一生人旅遊清單必賞極光│塔斯曼尼亞南極光全年都有

極光係地球一種大規模嘅放電現象,能量釋放時產生嘅光芒,絢麗夢幻。在北半球睇到嘅極光稱為北極光,在南半球睇到嘅就係南極光。澳洲塔斯曼尼亞係其中一個觀賞南極光嘅最佳地方,而且全年可見。疫情關係未能外遊,暫且眼睛去旅行,從相片中欣賞南極光之美。

 

塔斯曼尼亞位於澳洲嘅東南面,係澳洲唯一嘅島州。人口只有約50萬,島上除咗有美麗嘅港灣、潔淨嘅空氣、奇美嘅自然生態,更可欣賞到難以捉摸又絢麗奪目嘅南極光。南極光帶綠、黃、藍和紫色,色彩跟北極光有啲不同,更重要係在塔斯曼尼亞,一年四季都有機會睇到,唔似北極光只季節性出現。

 

塔斯曼尼亞自然景觀奇美,而且全年可賞南極光。塔斯曼尼亞自然景觀奇美,而且全年可賞南極光。

 

雖然南極光全年可見,但想捕捉最美嘅一刻,建議在當地冬季58月,以及9月份立春前後,在較少光害嘅地方觀賞。入夜後,天空和四周漆黑一遍,在天清情況下,更易睇得到南極光劃破長空嘅優美景象。南極光以外,更以見到滿天爍星星和清澈銀河嘅奇景。

 

塔斯曼尼亞有多個公認觀賞南極光嘅好地方:

1.荷伯特及周邊

數名氣最盛嘅,威靈頓山當然係其一觀賞地,但荷伯特周邊其實有其他等待南極光出現嘅秘點。距離荷伯特只需1520分鐘車程嘅Kingston Beach,安全又寧靜,當地人大讚呢區富有田園氣息,花啲心思構圖取景,可以影到不一樣嘅南極光。

 

荷伯特

威靈頓山

Kingston Beach

 

另外,由荷伯特揸車約40分鐘,經過塔斯曼大橋就到達南灣半島。島上分南灣和Opossum Bay兩區,因為全無建築物,視線寬闊,極光一出現就有機會睇到。

 

南灣半島

 

塔斯曼尼亞擁有美麗嘅海岸線,島上有多個美麗嘅海灘。荷伯以東南40公里係Clifton Beach,咪以為呢個係普通沙灘,因為呢度四周夠黑,無光害,因此成為觀南極光熱門地點。而且因海面波平如鏡,唔少人專程嚟影張南極光倒影相。

 

Clifton Beach

 

 2. 東海岸 

東海岸係著名健行地方,唔同年齡人士可按個人體力和目標,選擇唔同行山難度和距離,都能享受到樂趣。被喻為「世外桃源」嘅菲欣納國家公園,內有唔少短途健行路線,適合唔同能力旅行者。延綿數里嘅白沙灘,四周僻靜,讓人在不受騷擾下靜心細賞南極光嘅美。

 

菲欣納國家公園

 

阿莫斯山係菲欣納半島上一個隱蔽地方,識途之人會登山從高觀看酒杯灣,晚上更有機會見到南極光和銀河一起出現景象。

 

酒杯灣 

3. 布尼島

布尼島全長50公里,由北及南兩島連成,兩島之間狹地峽稱頸項,卻是最多野外動物活躍嘅地方。位於布尼島最南端嘅布尼角燈塔,1838年已開始運作,目前是全澳洲第二古老仍有人看守和控制嘅燈塔。以燈塔作背景,配上幻彩色嘅南極光,拍出來嘅相片效果很美。

 

布尼島

 布尼角燈塔

 

距離荷伯特約50公里嘅Port Huon,係著名嘅遊艇停泊地,著名塔斯曼尼亞蘋果都係經呢個港口運往其他地區。如果想前往哈茨山國家公園 睇野生動物和山巒景色,亦可由呢度出發。

 

Port Huon

 

 4. Northwest Coast

想睇到塔斯曼斯尼廣闊又原始嘅風景,就要前往西北海岸,羅蘭山、桌角、在斯丹尼嘅長方形大堅果岩等都係遊覽熱點。芸芸之中,搖藍山聖佳爾湖國家公園 係塔斯曼尼亞世界文化荒野遺產區嘅瑰寶,既有嶙峋山脈,又有在冰河時期造成嘅湖泊和冰冷溪流,湖畔還滿佈古老松樹,自然景色叫人讚不絕口。

搖藍山

 

 在塔斯曼尼亞,不止睇山睇水睇石,原來仲有花田!每年926日,位於卓角嘅鬰金香花田對外開放,一直到春天尾聲10月底。逾14公頃花海,七彩繽粉,了無邊際,晚上仲可觀星和賞南極光。

 

卓角

 

INFO

https://www.australia.com/zh-hk/places/tasmania.html

 

Text:  Josie Yan

Photo:塔斯曼尼亞旅遊局 

 

 

你或會有興趣的相關文章:

【周末好去處】大埔鳳園蝶豆花園親飼小羊駝│大埔墟港鐵站轉小巴直達門口

【玩樂好去處】假日踩單車2小時遊沙田│橙色天橋打卡烏溪沙賞日落

相關文章
【周末好去處】大埔鳳園蝶豆花園親飼小羊駝│大埔墟港鐵站轉小巴直達門口【周末好去處】大埔鳳園蝶豆花園親飼小羊駝│大埔墟港鐵站轉小巴直達門口 【玩樂好去處】假日踩單車2小時遊沙田│橙色天橋打卡烏溪沙賞日落【玩樂好去處】假日踩單車2小時遊沙田│橙色天橋打卡烏溪沙賞日落 【周末好去處】黃大仙祠財神宮開幕│參拜五路財神親手貼金箔祈福【周末好去處】黃大仙祠財神宮開幕│參拜五路財神親手貼金箔祈福 4個特色Staycation套餐│泡泡浴/新酒店/泰食/藝術遊4個特色Staycation套餐│泡泡浴/新酒店/泰食/藝術遊 春暖花開京都賞梅│必遊千梅神社垂梅瀑布春暖花開京都賞梅│必遊千梅神社垂梅瀑布 京都無接觸自助麵包店│平板點餐自助付款京都無接觸自助麵包店│平板點餐自助付款 3至6月油菜花盛放│4個韓國油菜花田打卡熱點3至6月油菜花盛放│4個韓國油菜花田打卡熱點