放假想鬆一鬆玩樂一番，有趣活動唔止得行山，踩單車一樣咁好玩。沙田區有完善嘅單車徑及設施，好適合一班人或一家大細踩單車消磨假日。新城市廣場與香港城市單車生活平台「Bike The Moment」合作設計一條約30公里長嘅單車遊路線，讓大家輕鬆踩住兩個轆去發掘沙田打卡好地方，探究歷史文化及大自然。
呢條由新城市廣場與香港城市單車生活平台「Bike The Moment」合作設計嘅「新．沙田單車路線」，全長約30公里，途經大圍、新翠、車公廟、馬鞍山烏溪沙及泥涌等地點，來回只需2至3小時。
新城市廣場與香港城市單車生活平台「Bike The Moment」合作設計「新．沙田單車路線」，教大家踩單車發掘沙田秘景。 
「新．沙田單車路線」，全長約30公里，來回只需2至3小時。
由新城市廣場出發到大圍可選紅十字會後面的單車徑，穿過紅十字會後嘅小路，幾分鐘就到達香港文化博物館。
香港文化博物館係全港規模最大的博物館，內有5個常設館，包括：金庸館、兒童探知館、粵劇文物館、徐展堂中國藝術館及趙少昂藝術館，遊人可免費參觀。
離開香港文化博物館，轉上文化館後嘅天橋，就到達沙田人氣打卡熱點「橙色天橋」。呢條橋嘅欄杆都油上鮮橙色，打卡效果一流，用心構圖，可以影到對稱美嘅IGable相片。
想在「橙色天橋」打卡效果更好，秘技係著藍色衫。
在橙色天橋上，可以欣賞到鐵道路軌景色，亦可感受到列車經過時嘅震撼。
從「橙色天橋」順斜路而下，便能到達呢個橋底出口位置，另一個沙田人打卡勝地。
在天橋底下企喺陽光映照嘅位置，可以影到猶如被舞台燈光照著嘅個性照片。
沿著單車徑一直踩，好快就嚟到大圍。大圍除咗美食多，仲有隱咗喺鬧市中嘅歷史痕跡。積福街入面藏住一條幾百年歷史嘅大圍圍村，大圍村原名積存圍，有「積善」及「存仁」嘅意思。圍村大約於16世紀末建成，大約有 400 多年歷史。由於係規模最大嘅圍村，因此得名「大圍」。
圍村經歷數百年嘅歷史演進，舊村屋大部分已重建成丁屋，不過至今村內仍可搵到唔少歷史痕跡，大家可以慢慢欣賞。
離開喧鬧嘅大圍，向著新翠邨進發，又有另一番風景。新翠村後翠田街林蔭大道係前往車公廟途經嘅一個驚喜。林蔭大道被兩旁大樹所包圍，伸延出一條寫意嘅綠色通道，兩旁更有長椅可作休息。沿著林蔭大道前進，轉個彎就到達香港4大廟宇之一嘅「車公廟」。
車公廟最早嘅歷史可以追溯到300多年前，據說當時沙田一帶瘟疫橫行，由於車公深受村民尊敬，村民相信車公顯靈令瘟疫解除，於是建廟供奉。
沿著城門河畔前進，就會嚟到有「雙子橋」或「孖橋」之稱嘅翠榕橋。雙子橋位置獨特，位於城門河畔嘅盡頭，一邊可以回望整條城門河畔，另一邊就係沙田海嘅海口，可以遠眺馬鞍山沿岸一帶。
城門河畔為香港最長嘅人工河道，亦與沙田區發展一脈相連。
「雙子橋」或「孖橋」之稱嘅翠榕橋係打卡熱點。
稍作休息後，繼續路程，下一位係烏溪沙。喺香港，能夠有單車徑接駁著嘅沙灘並唔多，而烏溪沙就係少數嘅一個。早幾年烏溪沙沙灘曾出現「海之心」，雖然依家消失咗，但呢度仍然係沙田人散步休閒睇日落嘅熱點，呢度更被CNN 曾評為「香港欣賞夕陽的最佳海灘」。
烏溪沙一帶其實有好幾個睇日落嘅最佳位置，例如：青年新村的烏溪沙沙灘及渡頭灣村的烏溪沙沙灘。
在馬鞍山繼續沿著單車徑往東前進，經過烏溪沙，大約 15至20 分鐘就到達泥涌石灘。退潮時嚟到可以趁機喺泥灘上走走，唔同天氣、時分、潮汐高度，景色都唔同。呢度亦係「新．沙田單車路線」嘅尾站，愉快單車遊就喺優美嘅景色底下結束。
企喺潮退嘅泥灘中，以近乎水平線嘅角度睇住對岸嘅八仙嶺以及船灣淡水湖，景色一絕。
介紹完呢條輕鬆、低難度嘅「新．沙田單車路線」，係咪心郁想今個周末就去踩單車遊沙田呢？約人要搵聚腳點，或者出發前先食個飯、補給戶外運動用品等，新城市廣場係其中一個熱選地方。新城市廣場最近將1期1樓西翼（近Bricklane）位置加設【單車加「友」站】，為單車友提供免費室內單車停泊服務。加油站設有單車泊架及DIY維修小工具，大家可即時為單車輪胎充氣、調較零件及seat位。
商場新開設嘅【單車加「友」站】，內有單車泊架，踩到攰想入商場食啲嘢補充體力，可以將單車泊喺度。
加油站設有單車泊架及DIY維修小工具，大家可即時為單車輪胎充氣、調較零件及seat位。
另外，商場特別設計實體版及網上版「沙田單車攻略」，唔止為車友們帶來全方位户外遊玩資訊及優惠指南，更附上單車友必備購物優惠，例如: su:m37°、BIODERMA、Too Faced及M.A.C等各大美妝品牌防曬恩物折扣，運動家及SKECHERS等運動品牌指定正價貨品更可享9折等。商場更與毗鄰嘅「龍記單車」合作提供獨家優惠，憑新城市廣場任何電子消費單據即可換領「龍記單車」租用全日單車即減$20折扣優惠券。
INFO
www.newtownplaza.com.hk
Text: Josie Yan
你或會有興趣的相關文章：
【飲食情報】「燒肉LIKE」全新一人燒和牛套餐│ $135起歎A3至A4和牛前胸肉
【周末好去處】大埔鳳園蝶豆花園親飼小羊駝│大埔墟港鐵站轉小巴直達門口