【飲食情報】旺角新開正宗口味馬拉菜│ 秘製砂鍋牛腩煲食完當火鍋
天氣開始熱，飲食口味都要轉季。主打馬拉菜嘅「霹靂南洋」，以霹靂州美食為賣點，招牌菜除咗怡保芽菜雞之外，更有多道以總廚家傳食譜炮製嘅菜式。餐廳仲有馬拉馳名美食供應，例如炸豆腐、咖央多士、話梅桔仔冰等，給香港人帶來口味正宗但非一般傳統嘅地道馬拉菜。
「霹靂南洋」以霹靂州美食為賣點。
位於旺角嘅「霹靂南洋」，係馬來西亞邦咯島「南洋1957」餐廳嘅海外首間分店。擁有22年中西廚經驗嘅餐廳主廚Simon一次去邦咯島旅遊時，認識咗「南洋1957」嘅老闆，對佢煮嘅馬拉菜一試難忘，很希望將這種香港吃不到的馬拉風味帶回來，於是促成咗「霹靂南洋」嘅誕生。
餐廳室內設計令人有如置身馬來西亞排檔小店。
餐廳牆身重現馬來西亞街頭嘅壁畫藝術。
餐廳主廚Simon擁有22年中西廚經驗。
怡保芽菜雞係「霹靂南洋」嘅必食招牌菜。呢度菜按照原店製法製作，採用肥身又短嘅芽菜，咬落爽口而且味道鮮甜，可中和雞嘅油膩感。進食嘅度菜嘅時候，伴以自家製嘅薑容和黑豉油，讓人品嚐到怡保菜嘅原始風味。
怡保芽菜雞
道地嘅馬拉菜風味一絕，但因應氣候、環境等因素，如果完全照辧煮碗搬來香港，食味享受始終差少少。Simon為使馬拉菜更易被港人接受，融入本港嘅飲食文化，煮菜時特別加入新元素。香港人對砂煲菜式情有獨鍾，Simon刻意將「南洋1957」老闆嘅家傳食譜稍作改良，加入港人最愛吨火鍋元素，炮製出多道砂煲火鍋菜式。
霹靂仁當牛腩煲係東南亞著名美食，「仁當」即係乾咖喱。Simon以香料、辣椒及椰奶加入牛腩，並以中菜烹調方式煲焗兩回共兩小時，牛腩入晒味，軟腍得來有咬口，咖喱辣勁，惹味得令人停不了口。
霹靂仁當牛腩煲
另一道同樣加入砂煲元素嘅菜式係老巴剎肉骨菜。依循馬來西亞嘅傳統方法烹調， 湯底加入了當歸、川芎等藥材，味道比新加坡肉骨茶較重藥材味，味道及色澤更加濃郁。材料除了排骨外，仲加入豬雜、油豆腐、香菜等，同樣以「煲、焗、煲、焗」方式慢煮至最佳口感，配上即炸油炸鬼，美味又養生。
老巴剎肉骨菜
所有砂煲火鍋火鍋菜式，吃晒主菜後可以將醬汁化身香濃湯底，作火鍋之用。火鍋配料方面，可選肥牛、豬大腸、鮮魷魚、秋葵等掛湯爽口食材。
為慶祝餐廳開幕，整個5月份堂食凡點選「招牌砂煲系列」，每兩位食客即送精選肥牛1份。每天供應量有限，送完即止。
馬拉菜誘人嘅秘密之一，就係辣醬。「霹靂南洋」對辣很執著，煮馬拉菜常用嘅參巴辣醬都係自家製。Simon以蝦膏、蝦米與辣椒等以古法秘方炮製，辣度跟隨馬拉人嘅做法，辣度十足，但同時充滿鮮味，試過就會辣上癮。呢個自製參巴辣醬可配上不同食材，但用來配炸豆腐，味道一絕。
自家製參巴辣醬以蝦膏、蝦米與辣椒等以古法秘方炮製，辣度十足。
自家製參巴辣醬炸豆腐
咖央多士
話梅桔仔冰
INFO
霹靂南洋
地址：旺角彌敦道575號 Ladder Dundas 5樓
電話：6971 7738
營業時間：中午12時至晚上10時
Text: Josie Yan
你或會有興趣的相關文章：
【飲食推介】荃灣新登場美式小店│創意配搭brunch全天候供應
【飲食情報】翡翠拉麵小籠包限定春日菜式│櫻花蝦玫瑰入饌粉色炒飯拉麵