一向香火鼎盛、善信眾多嘅黃大仙祠，最近有新動向！時值嗇色園一百周年紀慶，財神搬大屋，正式入主籌建兩年嘅「財神宮」。即日起，善信去參拜財神，只要捐款$100，更可在財神身上「貼金箔」示敬意進功德。
「財神宮」開幕日即吸引大批善信到來參拜，要排隊先可以內進。
黃大仙祠自2011年起已設有「財神殿」供奉武財神趙公明元帥，過去唔少善信專程去參拜，希望財神庇佑。今次嗇色園將「財神殿」擴建成「財神宮」，唔止地方大咗，更增設東南西北四路財神，連同居中嘅趙公明元帥，五路財神齊集廣納五方之財，保佑善信財運亨通，富貴榮華。
原本供奉於「財神殿」嘅財神，昨日起正式遷往新建嘅「財神宮」。
武財神黑虎玄壇趙公明元帥乃道教四大護法，明嘉靖時期被封為財神。
招寶天尊 蕭昇(東路)
納珍天尊 曹寶(西路)
招財使者 陳九公(南路)
利市仙宮 妙少司(北路)
善信今後去「財神宮」參拜財神，可以捐款$100，請領足金金箔一片，以貼金箔方式向財神示敬意進功德。「貼金功德」程序有3個步驟。首先，先向財神敬上檀香木一枝，誠心稟神默禱、祈福。然後將金箔貼在殿內神像上。最後抱拳作揖，禮成。另外，為向尊敬神明，善信要著鞋套才可內進「財神宮」。
向財神敬上檀香木時，記住要用左手。
金箔可貼在殿內五路財神神像頭頸以下任何地方。
金箔經香港生產力促進局驗證，均為純度超過99%。
完成參拜後，善信可獲招財琉璃元寶一個。首1萬名請領金箔嘅善信更可獲贈已開光嘅財神金卡1張。
參拜財神後，善信可獲招財琉璃元寶。
開光嘅財神金卡限量1萬張，派完即止。
INFO
黃大仙祠
地址：九龍黃大仙竹園村二號
開放時間：每日早上7時30分至下午4時30分 (逢初一、十五開放至下午9時)
Text: Josie Yan
你或會有興趣的相關文章：
【周末好去處】大埔鳳園蝶豆花園親飼小羊駝│大埔墟港鐵站轉小巴直達門口
【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡