【飲食推介】荃灣新登場美式小店│創意配搭brunch全天候供應

飲食 2021-04-27

周末歎個brunch，給人感覺放鬆。若以為brunch只限周末獨有，少年你太年輕了！最近荃灣廣場開咗間新店b.o.t.h. by Texas Burger，主打美式早午餐及精緻甜品，讓喜歡brunch嘅人全天候都歎得到，天天都有周末感！

b.o.t.h. by Texas Burger係本土人氣小店Texas Burger新開設嘅副線。由天后到旺角朗豪坊嘅Texas Burger，以高質德州手工漢堡贏盡口碑，今次在荃灣開新店，卻一改以往走德州快餐較粗獷嘅路線，出品以細緻及創新嘅美式早午餐及精緻甜品為重，而且在食材配搭、製作及擺盤方面花心思，為食客帶來新鮮感。

b.o.t.h. by Texas Burger今次在荃灣開新店，走精緻路線。 b.o.t.h. by Texas Burger今次在荃灣開新店，走精緻路線。

為讓食客感受到歎brunch嘅偷閒輕鬆感覺，餐廳在裝潢上別有用心，落地玻璃窗提高採光性，自然光柔和舒適，窗外可眺望毗鄰綠樹林蔭嘅大會堂廣場，讓人有如置身外國嘅家庭後院中用餐嘅感覺。

室內有落地玻璃，提高採光度，同時營造偷閒輕鬆感覺。

b.o.t.h. by Texas Burger全天候供應brunch，食物款式更在傳統上添加創意。推介必試有廣島蠔班尼迪蛋及松露蟹肉炒蛋吐司。班尼迪蛋係brunch常有嘅食物，一般配煙肉、腸仔等，但呢個改配酥炸廣島蠔，坊間少見，然而味道出奇合襯。廣島蠔外脆內軟、鮮甜多汁，班尼迪蛋蛋味濃郁，爆漿流心，非常療癒。蛋醬配合荷蘭醬，仲有鬆脆嘅吐司，一口咬下，美味出神！

b.o.t.h. by Texas Burger供應嘅食物款式更在傳統上添加創意。 b.o.t.h. by Texas Burger供應嘅食物款式更在傳統上添加創意。

不同款勻嘅Brunch全天候供應。不同款勻嘅Brunch全天候供應。

另一款人氣之選係松露蟹肉炒蛋吐司。新鮮蟹肉及嫩滑嘅蛋白鋪滿麥味濃郁嘅酸種黑麥包，加上白松露油，陣陣松露香氣很誘人。味道方面，蟹肉鮮甜，酸種黑麥包使用日本麵粉，無化學添加劑，煙韌又有麥香。偏好傳統嘅你，焦糖法式牛油吐司不能錯過，香脆吐司，焦糖甜香，美妙嘅配搭。

焦糖法式牛油吐司

Brunch以外，由大廚擅長炮製墨西哥菜，富有墨西哥風情嘅沙律都值得一試。提華納玉米脆片沙律很適合幾個人一起分享。墨西哥玉米薄餅炸得香脆，配搭牛油果醬、Salsa醬、芝士、辣椒等製成嘅沙律，食味一流。

提華納玉米脆片沙律

既然是Texas Burger分店，又點可以錯過招牌漢堡？漢堡肉則選用美國農業認證嘅安格斯牛肉，大廚更特意挑選唔同部位、自家手工製成，肉味份外香濃；多種粗幼度嘅肉碎配搭，大大提升口感。配上特製嘅威士忌煙肉洋蔥果醬，中和漢堡的飽滯感。Burger所使用嘅麵包都經精心挑選，特別找來本地麵包廠，花上幾個月時間鑽研出專屬配方，麵包鬆軟有致，使漢堡味道更完美。

燒骨髓牛肉芝士漢堡，每日限量供應。燒骨髓原條上，燒骨髓上鋪滿用香料炒過嘅菇菌及特製的酸辣醃菜piccalilli，減低骨髓嘅油膩感。

特級鴨肝牛肉芝士漢堡，鴨肝配漢堡扒，魔鬼級美食，帶來食慾大滿足。

素食植物牛肉芝士漢堡，素食者都能享受食漢堡嘅快樂。

甜品都係b.o.t.h. by Texas Burger嘅強項。必試有燴啤梨藍芝士蛋糕，採用世界3大藍紋芝士之一嘅英國Stilton芝士，鹹中帶甜，味道唔會過分強烈。用來做芝士蛋糕，味道更具層次。上碟前，大廚會在蛋糕面掃上蛋酒再燒成一層脆脆嘅焦糖，配上用紅酒及肉桂燴嘅啤梨，為食客帶來一次豐富又美味嘅味覺旅程。

燴啤梨藍芝士蛋糕