【飲食情報】KiKi麵店新輕食下午茶菜單│6款夜市美食選擇$48包飲品

無得飛掛住台灣？食碗台灣麵止癮吧。台灣人氣KiKi麵店最近推出全新「輕食下午茶」菜單，共有6款小食及迷你主食可選擇，$48一個套餐，包1款菜式及1杯招牌台式茶飲。逢星期一至星期五下午3時至6時供應，堂食或外賣自取都得。

KiKi麵店進軍香港以來口碑不俗，好多人食完都讚有去咗台灣嘅感覺。今次推出嘅「輕食下午茶」菜單，都係傳統夜市品嚐到嘅美食，讓人重拾遊台逛夜市嘅快樂回憶。

KiKi麵店進軍香港以來口碑不俗。

6款小食和迷你主食包括：外婆甜不辣、寶島滷大排、松露夜市鹽酥雞、蒜片台式腸拼香茅雞翅、迷你KiKi擔擔麵及迷你脆皮雞排飯。

外婆甜不辣係夜市必點小食，呢款加入特製嘅味噌沾醬，帶來另一番風味。

寶島滷大排用上秘製滷汁，愈食愈滋味。

松露夜市鹽酥雞炸得酥脆，蘸上菌香四溢的黑松露醬，鹹香味很誘惑。

蒜片台式腸拼香茅雞翅結合兩款地道台式小食滋味，一次滿足兩個願望。

迷你KiKi擔擔麵係招牌菜，好多人因為呢碗麵而愛上呢間店。

迷你脆皮雞排飯，經典台味，輕食首選。

餐飲方面，兩款選擇：冬瓜茶或白桃烏龍。如果堂食，可另加$10加配特色甜品仙草珍珠，為下午茶享受添上一抹甘甜。

仙草珍珠

歎台食同時想享著數優惠，只要用餐前先去KLOOK買「輕食下午茶」餐券，即可免費將隨餐茶飲升級至「KiKi茶」招牌特飲；當中選擇包括品牌採用頂級真空萃取「BKON」技術釀造而成，以研化出多款獨特嘅茶飲和水果口味茶飲，如「鮮萃金鑽鳳梨青茶」丶「麝香葡萄烏龍」丶「貴妃荔枝紅茶」及「KiKi皇后私版黑茶」；另有特色茶飲如「KiKi烤茶珍珠鮮奶」及「黑糖紅棗薑母茶」等。 

另外，由即日起至2021年6月30日憑K11 Art House即日電影票尾選購指定套餐，即可作$10使用，如用作購買外賣自取則可享8折優惠。在KiKi麵店K11 MUSEA店消費滿$150或以上，更可獲K11 Art House價值$20嘅戲票現金券1張。

INFO

KiKi麵店（KiKi茶）K11 MUSEA分店

地址：香港尖沙咀梳士巴利道18號K11 MUSEA 4樓406號舖

電話：2111 3764

營業時間：上午11時至晚上9時

Text:  Josie Yan

你或會有興趣的相關文章：

【飲食情報】「燒肉LIKE」全新一人燒和牛套餐│ $135起歎A3至A4和牛前胸肉

【飲食情報】新蒲崗小店六星酒店廚主理│手造意粉麵包打響名堂