【周末好去處】大埔鳳園蝶豆花園親飼小羊駝│大埔墟港鐵站轉小巴直達門口| likemagazine.com.hk
旅遊
【周末好去處】大埔鳳園蝶豆花園親飼小羊駝│大埔墟港鐵站轉小巴直達門口

【周末好去處】大埔鳳園蝶豆花園親飼小羊駝│大埔墟港鐵站轉小巴直達門口

放假想親親大自然,但又唔想上山咁辛苦,不如去農莊!位於大埔嘅「蝶豆花園」,除咗可以滿足你打卡嘅慾望,仲可以零距離餵飼超萌嘅小羊駝,又可以歎特色下午茶,以及坐天鵝湖觀光船。重點係地點非常就腳,在大埔墟港鐵站外搭小巴,幾分鐘就到。周末郊遊唔使去到山旮旯,啱晒親子或少運動嘅人。

 

疫情以來積累嘅抗疫疲勞,加上香港急速嘅生活節奏,令好多人開始有頂唔順感覺。趁周末去郊外行下,呼吸清新空氣,感受被大自然環抱,有助你放鬆神經,走出壓力。位於大埔鳳園嘅有機農莊「蝶豆花園」,近來成為唔少人嘅「減壓叉電」勝地,呢度活動種類多元化,無論係情侶、一家大小或三五知己同行,都可以玩得盡興。

 

蝶豆花園蝶豆花園

 

「蝶豆花園」係一個以蝴蝶、豆科作物和蝶豆花作主題嘅休閑有機農場。花園面積約50萬平方呎,設有多個特色打卡位如:蝶豆花長廊、天鵝湖、風車花海、彩虹蜜蜂箱等。園方更舉辦不少工作坊,包括:有機種植班、農莊導賞團、農耕體驗等,歡迎大家參加。

 

天鵝湖觀光船遊湖天鵝湖觀光船遊湖

風車花海風車花海

七彩幸福橋七彩幸福橋

農莊內設多個打卡設施,方便大家在最佳景觀下擺靚pose影相。農莊內設多個打卡設施,方便大家在最佳景觀下擺靚pose影相。

農莊按不同時節種植不同花草。農莊按不同時節種植不同花草。

農莊設有天空之鏡影相靚位。農莊設有天空之鏡影相靚位。

 

「蝶豆花園」最強賣點係園內飼養咗6隻來自澳洲嘅小羊駝,一 男五女,顏色由純白丶灰白甚至特別嘅黑色都有,最年輕嘅只有1歲。大家除了可以同小羊駝零距離接觸 外,更可以親身餵飼。除咗羊駝,園內更設動物園,飼養咗山羊和兔仔。

 

小羊駝樣子超萌,好多人專程到農莊同佢哋打卡。小羊駝樣子超萌,好多人專程到農莊同佢哋打卡。

被小羊駝偷吻,感覺很幸福啊!被小羊駝偷吻,感覺很幸福啊!

花$60購買飼料一份,便可體驗親飼小羊駝。$60購買飼料一份,便可體驗親飼小羊駝。

  

農莊最近推出「親親羊駝連下午茶套票」,每位$299(兩位起),除可與羊駝共度假日休閑時光,在園內玩足6小時,更包埋3層特色甜品和兩杯蝶豆花特飲下午茶Set、天鵝湖觀光船遊湖、蝴蝶祈福牌和免費專業拍照服務。套票只限星期六、日及公眾假期,每日名額只100個,數量有限,先到先得。套票優惠期至731日,必須3天前預訂。

 

以蝶豆花為主題嘅甜品三層架,當中有多款自家製西式糕點、甜品、曲奇及蝴蝶酥。以蝶豆花為主題嘅甜品三層架,當中有多款自家製西式糕點、甜品、曲奇及蝴蝶酥。

蝶豆花特飲,紫藍色俾人感覺好夢幻,飲管上有羊駝剪影裝飾,配合親親羊駝主題。蝶豆花特飲,紫藍色俾人感覺好夢幻,飲管上有羊駝剪影裝飾,配合親親羊駝主題。

 

 

INFO

蝶豆花園

地址:新界大埔鳳園路8號蝶豆花園

營業時間:星期一至日 上午10時至下午6

交通:大埔墟火車站A出口坐20P綠色小巴,7分鐘到門口

費用:成人$200 (包括觀光船票丶天空之鏡拍照丶夾羊駝公仔幣3個丶DIY羊駝真皮鎖匙扣丶DIY拓印環保袋和祈福牌);小朋友(3-12歲)$150 (包括觀光船票丶天空之鏡拍照丶任玩充氣彈床和沙池丶夾公仔幣3個丶DIY彩繪錢罌和沙畫)。不足3歲或以下免費入場丶長者半價。

 

Text:  Josie Yan

 

 

你或會有興趣的相關文章:

【飲食情報】「燒肉LIKE」全新一人燒和牛套餐│ $135起歎A3A4和牛前胸肉

【飲食情報】台灣1011SIPTEA聯乘Miffy快閃店│必買!Miffy特飲盲盒杯 / 周邊精品

相關文章
3至6月油菜花盛放│4個韓國油菜花田打卡熱點3至6月油菜花盛放│4個韓國油菜花田打卡熱點 【玩樂好去處】假日踩單車2小時遊沙田│橙色天橋打卡烏溪沙賞日落【玩樂好去處】假日踩單車2小時遊沙田│橙色天橋打卡烏溪沙賞日落 【周末好去處】黃大仙祠財神宮開幕│參拜五路財神親手貼金箔祈福【周末好去處】黃大仙祠財神宮開幕│參拜五路財神親手貼金箔祈福 【疫後出遊計劃】一生人旅遊清單必賞極光│塔斯曼尼亞南極光全年都有【疫後出遊計劃】一生人旅遊清單必賞極光│塔斯曼尼亞南極光全年都有