【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡
荃灣海濱海安路對開一段圍封多個月後，終於重開，並且請嚟癲噹和阿讚貓海邊起村長駐，全天候陪大家欣賞靚海景！「維港癲噹開心村」有大量打卡位，包括2 米高嘅癲噹和阿讚貓立體頭像！癲噹和阿讚貓傾全力擺出萌爆表情，誓要在疫情下為香港人帶來歡笑。
荃灣海濱長廊優化工程第一期竣工，海安路對開一段全長700米嘅行人路活化成海濱悠閒空間。本地文創單位「貓室」以卡通人物「癲噹」為主題，將荃灣海濱長廊變成打卡熱點。此外，維港癲噹開心村跟非牟利機構BEYOND VISION PROJECTS合作，加入多感官元素，轉化不同造型嘅癲噹成為「觸感圖」，讓視障人士能透過指尖「看見」可愛嘅癲噹，與大眾一同享受文化、藝術及教育的權利與樂趣。
超巨型嘅癲噹貓村長和阿讚貓兩兄弟舉高雙手，在村口迎賓！
村內嘅癲噹跟阿讚貓有多個造型，呢個扮熱愛Camping偽文青，係咪你鍾意嗰type呢？
好多人平時鍾意拎杯咖啡去海濱chill下睇風景。有咗呢個設置喺欄杆上嘅癲噹咖啡枱，興起想打卡，要搵個地方放低個杯就方便好多啦！
癲噹掛住旅行掛到上腦，變身美人魚，回味在哥本哈根旅遊嘅快樂時光。
癲噹開露天Café，coffee or tea？
癲噹為你開辦「永不脫班」小巴！
荃灣海濱風景優美，癲噹都忍唔住拎起相機打卡。
好多人鍾意扮文青，癲噹都加入行列。
返工日做夜做，體力透支，精神疲憊，嚟「癲噹陪你Hea涼亭」唞下叉電吧！
癲噹華麗轉身變成7款可以向左走向右走嘅餐枱，桌面還有不同類型嘅棋盤，方便你一邊坐在石壆上看海品味生活，一邊玩康樂棋、國際象棋和中國象棋，So Funny！
一場來到海邊，癲噹把握機會，擺個pose扮下釣魚翁先！ 
癲噹在海邊開農場，歡迎嚟探下佢，同佢打氣！
INFO
【 維港癲噹開心村】活動總覽
日期：即日起至10月11日
地點：荃灣海濱公園長廊（荃灣西地鐵站B1 出口，右轉步行5分鐘）
Text: Josie Yan
你或會有興趣的相關文章：
【飲食情報】大角咀西式濃湯輕食店│本地/素食/低碳/無麩質
【飲食情報】新蒲崗小店六星酒店廚主理│手造意粉麵包打響名堂