【玩樂情報】去野餐兩手揈揈出發│借用野餐籃方便又環保| likemagazine.com.hk
Cover
【玩樂情報】去野餐兩手揈揈出發│借用野餐籃方便又環保

【玩樂情報】去野餐兩手揈揈出發│借用野餐籃方便又環保

放假遇上晴天,突然好想去野餐,不過野餐籃、地墊、酒杯……乜都無,逐樣張羅,買完都日落,唔使去囉!無野餐架生但即興想野餐,原來發個短訊就搞掂!Peanuts Time提供野餐籃租借服務,仲會成個籃送到去你野餐場地最近嘅鐵路站。去野餐唔使做準備,約齊人隨時出發!

 

Peanuts Time提供野餐籃借用服務。Peanuts Time提供野餐籃借用服務。

 

春天來到,又係郊遊嘅時候。郊遊,唔一定一要付出汗水走上山,在市區搵個公園、草坪、沙灘等野餐都有樂趣。不過享受野餐之前,先要費神去張羅物品及食物,一諗到呢度,好多人打退堂鼓。Peanuts Time 創辦人Cynthia表示,「例如媽媽想帶小朋友去野餐,本身隨身用品已經多,如果仲要拎住大袋野餐用品去目的地,會好唔方便。我哋服務可以幫佢輕鬆去野餐。」

 

媽媽帶小朋友去野餐進行親子活動,只要預約,便可在最近野餐地方嘅鐵路站取籃,非常方便。媽媽帶小朋友去野餐進行親子活動,只要預約,便可在最近野餐地方嘅鐵路站取籃,非常方便。

 

「近年興起一股野餐熱潮,好多人去野餐只不過為打卡。影完靚相後,未必有下次,野餐用品用一次就唔要,好浪費。所以我哋在今年3月起推出野餐籃租借服務,方便又環保。」

 

有人野餐只為打卡,如為野餐而添置相關物品,用一次便掉很浪費。借用服務更環保。有人野餐只為打卡,如為野餐而添置相關物品,用一次便掉很浪費。借用服務更環保。

 

Peanuts Time野餐籃租借服務提供基本套餐,價錢$298,包括項目有:野餐墊、野餐籃、紅酒、酒杯、仿真花束、木質托盤、啤牌及花生。「去得野餐,唔少得打卡,所以我哋提供埋仿真花束,客人可以話俾我哋知佢嘅主題或顏色,我哋盡量襯晒全套配合。」Cynthia表示,之前台灣鳳梨大熱,曾有客人表示以鳳梨為野餐主題,要求野餐籃及用品都係黃色,打卡構圖更靚。

 

野餐籃包仿真花束,打卡構圖更美。野餐籃包仿真花束,打卡構圖更美。

客人提供野餐主題,Cynthia會幫佢準備配合主題嘅野餐籃及用品。客人提供野餐主題,Cynthia會幫佢準備配合主題嘅野餐籃及用品。

 

細心留意,野餐套餐內包括啤牌,Cynthia指出,多數人野餐除飲飲食食外,亦會一班人玩樂,啤牌攜帶方便又多玩法,可以消磨時間。

 

難得在戶外野餐, Peanuts Time野餐籃提供啤牌,讓你放下手機,玩樂消磨時間。難得在戶外野餐, Peanuts Time野餐籃提供啤牌,讓你放下手機,玩樂消磨時間。

 

基本套餐以外,Peanuts Time亦提供追加服務,包括:零食、水果和攝影服務。「食物方面,曾有客人要求準備芝士拼盤、macaron、蛋糕等。剛好我有朋友專門做手工蛋糕,所以亦可以安排到。」

 

Peanuts Time亦提供追加服務,包括:零食、水果和攝影服務。Peanuts Time亦提供追加服務,包括:零食、水果和攝影服務。

 

「如果想藉野餐作為周年紀念、求婚,生日派對等,我哋仲可以幫客人按排專業攝影師,甚至現場樂隊,增添氣氛。」

 

野餐同時舉行生日派對、慶祝紀念日等,Peanuts Time可提供攝影服務及現場樂隊。野餐同時舉行生日派對、慶祝紀念日等,Peanuts Time可提供攝影服務及現場樂隊。

 

Peanuts Time收到客人預約後,會按指定時間在最近客人野餐地點嘅鐵路站交收野餐籃。「暫時送野餐籃嘅熱點有中環、欣澳、西九龍等。」Cynthia表示,長假期和周末都係借用野餐籃嘅高峰期,有興趣在呢啲日子野餐及借用野餐籃,一定要盡早預約。客人野餐後,只要在預約時間及地點交還野餐籃便可。「其實借用野餐籃就係想去玩又唔想煩,但好多客人都好好人又有手尾,會將酒杯等物品先清淨才交還,呢一點有啲意外。」

 

客人預約後,Peanuts Time會按指定時間在最近客人野餐地點嘅鐵路站交收野餐籃。客人預約後,Peanuts Time會按指定時間在最近客人野餐地點嘅鐵路站交收野餐籃。

 

除咗野餐籃借用服務外,Peanuts Time4月尾起將與插花導師合作開辦工作坊,客人在上午先上堂學插花,下午去野餐。「活動好適合情侶、閨蜜、親子作為假日活動。」Cynthia更預告將在五月舉辦品酒班及野餐活動。

 

Peanuts Time將推出更多工作坊連野餐籃借用嘅活動。Peanuts Time將推出更多工作坊連野餐籃借用嘅活動。

 

INFO

https://www.instagram.com/peanutstime.3/

 

Text:  Josie Yan

 

你或會有興趣的相關文章:

【飲食情報】大角咀西式濃湯輕食店│本地/素食/低碳/無麩質

【飲食情報】悉尼人氣越南湯粉店進駐西營盤│30斤牛骨熬湯每日新鮮製

相關文章
【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡【玩樂情報】荃灣海濱期間限定「癲噹開心村」│ 癲噹阿讚貓萌爆造型呃like打卡 搭港鐵人有三急去邊度解決?│港鐵車站洗手間一覽表搭港鐵人有三急去邊度解決?│港鐵車站洗手間一覽表 粉紅隨意門出沒觀塘!│4月2日快閃4地點粉紅隨意門出沒觀塘!│4月2日快閃4地點 【玩樂情報】荔枝角全新室内動感遊戲│個人挑戰/組隊競技/合家歡玩樂【玩樂情報】荔枝角全新室内動感遊戲│個人挑戰/組隊競技/合家歡玩樂