美國環保組織公布最污糟蔬果清單│士多啤梨長據榜首食前必要沖洗

健康及美妝 2021-04-18

在街市超市選購蔬果，有時見佢靚靚仔仔，無穿無爛，相信總有人心入面閃過唔洗蔬果就食嘅念頭。不過，真係諗下好喇，蔬果食之前，最好都係洗乾淨。美國環保組織EWG（Environmental Working Group）早前公布蔬果殘留農藥嘅研究，列出10大「最污糟蔬果」。

第一位士多啤梨可以話無意外。士多啤梨鮮甜肉嫰，唔好話人人鍾意食，蟲蟲都鍾意食，所以果農為士多啤梨完美無瑕，多放農藥驅殺蟲係常識吧！食之前除咗浸泡一下外，記住仲要用水流沖洗，咁先可以洗走士多啤梨上嘅農藥。第二位和第三位嘅分別係菠菜和羽衣甘藍，呢兩款都係沙律菜常用嘅蔬菜，沙律不經加熱處理，所以食之前一定要徹底洗淨，而且買有機嘅，含有嘅殘餘農藥會相對較少。