【飲食情報】悉尼人氣越南湯粉店進駐西營盤│30斤牛骨熬湯每日新鮮製

在澳洲人氣超強嘅越南食店Eat Fuh，一直跟潮流玩創新，堅持最最最傳統風味，大獲好評。最近呢間店在西營盤開設首間海外外賣專門店，為食嘅香港人就算無得飛，留喺香港都可以歎到水準出色嘅越南湯粉。

越南湯粉店間間都話自己傳統正宗，唔通間間都真係正宗咩？其實有啲嘢無得呃，一試就知真章。創立於2015年嘅Eat Fuh，短短時間便能在澳洲悉尼打出名堂，並開設8間分店，其湯底係秘密武器。Eat Fuh香港店湯底每天製作，用上30公斤牛筒骨、牛脊骨及牛尾，加入香料如肉桂、烤薑和豆蔻等熬煮 8 小時，湯底就係骨髓嘅精華，味道豐富有層次。

阮氏特別牛肉湯粉係必試之選，除有澳洲和新西蘭肉眼外，一碗有齊生牛肉、熟腩肉、牛筋 、牛柏葉及頂級牛肉丸，讓肉食者們吃得盡興。$98

阮氏特別雞肉湯粉，雞湯底以 50 公斤本地雞殼熬煮 4 小時，並加入特色越南香料，香氣獨特。$98

阮氏素菜湯粉嘅湯底用上5款根莖類蔬菜，味道清甜，湯身輕巧清新。配上軟滑河粉、時令素菜、豆腐、鮮菇，並佐以芫荽、九層塔、蔥頭及嫩芽菜，素菜湯粉都很滋味。$78

阮氏白肉湯粉採用白肉清湯，並佐以鮮蝦、鮮豬肉片、鮮雞肉、五花肉片及鮮雞蛋，最後添上一大把的新鮮芫荽、芽菜和韭菜。$88

Eat Fuh的湯粉出色，小吃同樣精采有特色。

越式香茅烤雞採用本地雞隻，以香茅、香料和亞洲香草醃製，並烤至金黃香脆。每天限量供應全雞24隻。$98/半隻、港幣$188/隻

愈簡單愈難做得好，呢個越式春卷剛好。$48 

三色冰，越色甜品嘅經典。$28

小編溫馨提示，由於Eat Fuh係外賣店，建議大家可於網站提早預訂外賣，再按時到店取餐。

INFO

Eat Fuh 香港店

地址： 西營盤皇后大道西 345A 地下 (西營盤站B2出口)

營業時間：星期一至日 上午11時至晚上 9時

網站：eatfuh.online

Text:  Josie Yan

你或會有興趣的相關文章：

【飲食情報】大角咀西式濃湯輕食店│本地/素食/低碳/無麩質

【飲食情報】旺角露天酒吧$99任食雞翼90分鐘│加碼食埋薯條甜品每位$149